Zbulohen emrat e Lulzim Bashës për sekretariatin e PD

17 Janar 2019, 12:02, Aktualitet CNA

Të shtunën mblidhet Këshilli Kombëtar i Partisë Demokratike, ku pritet të zgjidhet kryesia dhe sekretariati i Partisë.

Kryetari Lulzim Basha, ende nuk ka bërë publik asnjë emër, por, siç ka thënë edhe CNA.al dje, lista vendoset diku tjetër, pra në familjen e Lulit.

Pasi ta përfundojnë Luli do ta marrë në mëngjes tek kunati dhe do ta çojë në Këshillin Kombëtar për ta votuar të ?zgjedhurit?.

Disa nga emrat që kandidojnë janë Albana Vokshi dhe Jorida Tabaku. Të dyja kandidaturat përfliten si nënkryetare të mundshme të Partisë Demokratike, por njëra prej tyre mund të çohet edhe në sekretariat.

Një emër tjetër që pritet të kandidojë dhe të marrë post është Arben Ristani, por jo në postin e sekretarit të përgjithshëm, për të cilin pritet të marrë shpërblimin për heshtjen e tij dhe për faktin që në këto pesë vite nuk bëri asgjë, por thjesht u kthye në ushtar të Lulit.

Një emër tjetër që pritet të marrë një post në sekretariat, si dhe një post të rëndësishëm drejtues në PD, është Gazmend Bardhi, një nga emrat më aktiv të kohëve të fundit të Lulzim Bashës.

Gjithashtu pritet që Basha të shpallë vendimin që sekretarët të mos jenë deputetetë. Një nga emrat që mund të ketë post sekretari është edhe Gert Bogdani, ish- kreu i FRPD

Ndërkohë, dy emrat që pritet të përballen me njëri tjetrin, ndoshta në sekretariat, për aksion qytetar janë Ervin Salianji dhe Klevis Balliu.

Edmond Spaho dhe Edi Paloka janë dy kandidatët për nënkryetarë, një prej të cilëve mund të bjerë, sepse Lulzim Basha po kërkon me çdo kusht që të ketë një nënkryetare femër. Zgjidhja për këtë çështje, pritet të gjendet edhe duke shkuar në tre apo katër nënkryetarë.

Pra, përveç dy nënkryetarëve që ka aktualisht, një si nënkryetar Kuvendi dhe një si kryetar të grupit parlamentar, PD do të ketë edhe dy nënkryetarë të tjerë.

Një emër tjetër që pretendon për post në PD është edhe Said Dollapi, ish-drejtori i i KESH, i cili pretendon postin e sekretarit organizativ.

Ndërkohë, pas takimit që ka mbajtur dje, disa nga emrat që kanë qenë në funksione drejtuese, Lulzim Basha pritet t?i rrëzojë me argumentin, se do të ulë profilin politik të sekretaritit të partisë.

Nga ana tjetër, disa emra të tjerë të rinj, të cilët janë zgjdhur në Këshillin Kombëtar, pritet që Basha t?i kandidojë edhe për kryesinë, kudo të tentojë që të bëjë disa ndryshime.

Garë do të ketë edhe për departamentet, të cilat pritet të rikonfigurohen nga kryetari i PD ?së.

Për departamentet do të ketë disa gara dhe automatikisht si në rastet e mëparshme kryetarët e departamenteve, flitet që më pas të çohen direkt si anëtar kryesie.

Gjithçka mbetet për t?u parë ditën e shtunë, për sa kohë ende lista nuk është zyrtare. Ndërkohë ka shumë orekse dhe Lulzim Basha ende nuk ka shprehur zyrtarisht emrat që do të jenë në garë për kryesinë e sekretariatit dhe departamentet./CNA.al

Tre kuçedrat apo kukumjaçkat e Lulit/ Të përzgjedhurat e kunatit që drejton PD

Pas Ristanit e hanë dhe sekretarët e tjerë