Rezistenca vijon/ Studentët nuk dorëzohen

15 Janar 2019, 09:34, Aktualitet CNA

Studentët duken të vendosur në qëndresën e tye, deri në plotësimin e të gjitha kërkesave drejtuar qeverisë.

Studetët e Fakultetit të Historisë dhe Filologjisë kanë publikuar axhendëne protestës për ditën e sotme. Mbledhja e studentëve do fillojë në orën 8:00

Në orën 10:30 do jetë pedagogu Ervin Goci i cili do mbajë një ligjërim mbi ligjin e Arsimit të Lartë.

Në orën 11:30 do shfaqet një film i cili është propozuar nga vetë studentët.

Ashtu siç ka qenë që në fillim protesta do ketë në brendësi kreativitet dhe art. E pikërisht në orën 14:00 studentët do bëjnë një takim poetik mes tyre.

Në orën 15:00 e deri në mbyllje të uzurpimit ditor do zhvillohen lojra të ndryshme.

Prej rreth një jave, shumë fakultete janë ngujuar dhe studentët zhvillojnë ligjërime mbi problematikat e universitetit dhe aktivitete artistike, zbavitëse mes tyre.

Ndërkohë paralelisht me studentët e Tiranës, protestojnë edhe kolegët e tyre të ?Aleksandër Xhuvanit? në Elbasan dhe ?Aleksandër Moisiu?, Durrës.

Një grup studentësh të universitetit të Elbasanit, kanë vijuar protestën, ndërkohë që nëpër auditore zhvillohet mësimi. Protestuesit iu bëjnë thirrje kolegëve të tyre që t?i bashkohen protestës, për plotësimin kështu të 9 kërkesave drejtuar qeverisë.

Po ashtu edhe studentët e Universitetit ?Aleksandër Moisiu?, Durrës, kanë zhvilluar ditën e sotme një takim brenda Universitetit, të thirrur nga disa anëtarë të Këshillit Studentor. Pas shumë diskutimeve, studentët referuan tek Këshilli Studentor problematikat që hasin në jetën e përditshme universitare. BalkanËeb raporton se një ndër pikat kryesore që u diskutua në takim ishte edhe qëndrimi që do të mbajnë studentët e UAMD-së, në lidhje me situatën e arsimit në përgjithësi dhe kërkesat që kanë tanimë studentët në mbarë vendin. Në përfundim, studentët arritën në konkluzionin se rruga e vetme, që çon drejt plotësimit të 8 kërkesave, por më e rëndësishme, rrëzimi i Ligjit të Arsimit të Lartë është bojkoti i procesit mësimor.

?Universiteti është i yni, dhe rezistencën sigurisht që do ta bëjmë brenda mjediseve të fakulteteve.
Duke filluar nga ora 07:00, ditën e martë studentët e UAMD-së do të qëndrojnë brenda mjediseve universitare, si kolegët tanë në pothuajse gjithë vendin.
Procesi mësimor është shumë i rëndësishëm për neve, por akoma më e rëndësishme është një sistem cilësor i arsimit, kësisoj, studentët e UAMD duke filluar nga nesër nisin bojkotimin e mësimit, derisa qeveria të rrëzojë ligjin e arsimit të lartë dhe plotësimin e kërkesave tona.

Universiteti është i yni
Universitetin e bëjmë vet
Ligjet klienteliste nuk i pranojmë
Bashkohuni me studentët nesër në orën 07:00 pranë UAMD Ppitallë, kampus 2?, thuhet në njoftimin e studentëve./CNA.al