E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Tryeza për çështjet e medias/ Ish-zyrtarja e PD “demaskon” Bashën

12 Janar 2019, 10:57, Aktualitet CNA

Ish-anëtarja e kryesisë së PD, Endira Bushati ka reaguar në lidhje me tryezën që PD zhvilloi ditën e djeshme, ku u diskutua në lidhje me ligjin për mediat online.

Në një postim në rrjetet sociale, Endira Bushati shkruan se kjo është prova më e fundit se pse kjo opozitë nuk besohet.

?Pashë dje një tryezë të thirrur nga Basha në emër të opozitës për çështjet e medias….

Në krye dhe Albana Vokshi si Kryetare e Komisionit të Medias….

Anash dhe Agron Gjekmarkaj si anëtar i AMA-s…..

Rreth e rrotull gazetarë, deputetë, pronarë gazetash e portalesh.

Në teori, një grup i tillë mund të rrëzojë Qeverinë.

Por këtë grup pak e dëgjojnë…e akoma më pak e besojnë.

Sado që ulëret nga mëngjesi deri në darkë për kapje dhe oligarkë të medias në shërbim të Ramës….

Sepse kjo opozitë ulëret, por shumë pak besojnë se e ka me të vërtetë…..?-shkruan Bushati.

Më tej, ish-kryetarja e AMA-s risjell në vëmendje një vendimin nr.56/2016 të Gjykatës Kushtetuese, i cili sipas saj me kërkesë të Sandrit, ka shfuqizuar si antikushtetues paragrafin 3 të nenit 62 të Ligjit të Medias, për të cilin sipas saj opozita nuk flet.

?Keni dëgjuar ndonjëherë për Vendimin nr. 56/2016 të Gjykatës Kushtetuese????

Keni dëgjuar ndonjëherë që Basha të flasë për këtë Vendim???

Po Albana Vokshi si kryetare e Komisionit të Medias e keni dëgjuar ta përmendë ndonjëherë????

Po Agron Gjekmarkaj si anëtar i AMA-s i zgjedhur nga opozita ka folur ndonjëherë për të????

Po bëhen 3 vjet dhe opozita jo vetëm asnjë fjalë, por dhe asnjë veprim!

Vendimi nr.56/2016 i Gjykatës Kushtetuese, me kërkesë të Sandrit, ka shfuqizuar si antikushtetues paragrafin 3 të nenit 62 të Ligjit të Medias….

Ky paragraf (si gjithë neni 62, i shkruar nga ekspertë të huaj) vendoste një kufizim:

Askush, vetë apo përmes familjarëve nuk mund të zotëronte më shumë se 40% të aksioneve në një licencë kombëtare.?-shkruan Endira Bushati.

Më tej, ajo thekson se ?Domethënë: as Sandri e as Vjollca, së bashku me familjarët përkatës, nuk mund të zotëronin më shumë se 40% të aksioneve të kompanisë, duke mos pasur në këtë mënyrë vendimmarrjen absolute mbi një televizion kombëtar….

Kjo, me qëllimin për të garantuar, pluralizmin në media…?.

Sipas Endira Bushatit OSBE ishte kategorikisht kundër shfuqizimit të nenit 62 dhe Rama nuk mundi ta bënte.

?E mbani mend se si Taulant Balla në 2015 propozoi shfuqizimin e gjithë nenit 62????

Erdhi OSBE e tha: ?Gjëja e fundit që i duhet Shqipërisë është shfuqizimi i nenit 62!?

Ramës nuk ia mbajti dot, por ka gjithmonë rrugëzgjidhje: kap Sandri Gjykatën Kushtetuese….

Dhe ashtu ndodhi!

Pas këtij Vendimi të GJK, duhej që Parlamenti të plotësonte boshllëkun ligjor të krijuar në nenin 62…

Mirë Rama dihet…

Po tash 3 vjet, që Komisionin e Medias e kryeson opozita, pse nuk flitet për këtë punë???

Po ndonjë amendament ligjor pse nuk propozohet??

Që media të mos jetë në duar të oligarkëve pra????

Pse???

Lul, propozoji shqiptarëve një ligj që televizionet kombëtare të mos jenë në 2-3 duar, peng i tenderave, koncesioneve e ppp-ve!

Nëse Sandrin e Vjollcën ?i kemi të gjithë xhan?, Lul mos u anko kot kamerave për oligarki në media…?-përfundon postimin e saj Endira Bushati./ CNA.al