Dhuna ndaj studentëve/ Kërkohet anulimi i kontratës me Safet Gjicin

12 Janar 2019, 21:57, Aktualitet CNA

Koalicioni Qytetar Për Shqipërinë, duke marrë shkas nga ngjarjet e fundit me studentët ka reaguar ashpër me anë të një postimi në rrjetet sociale për sigurimin e Universitetit të Tiranës.

Sipas Koalicionit qytetar për Shqipërinë duhet anuluar kontrata e universitetve me Safet Gjicin, pasi të paguash 1 milionë Euro për tu dhunuar nga mercenarët e Safet Gjicit është e papranueshme.

Reagimi i plotë:

?Tiranë 12 Janar 2019

Ja pse duhet anuluar kontrata e Universiteteve me Safet Gjicin: TË PAGUASH MBI 1 MILIONË ? NGA TARFIAT E STUDENTËVE PËR T?U DHUNUAR NGA MERCENARËT E SAFET GJICIT!

Studentët kanë të drejtë t?i kërkojnë Rektorateve të Universitetit të Tiranës dhe Universitetit Politeknik NDËRPRERJEN E KONTRATËS me Kompaninë e Policisë Private ?EUROGJICI? të funksionarit të lartë socialist Safet Gjici për dhunën e paligjshme ndaj studentëve protestues.

Gjatë ditëve të fundit janë raportuar raste të shumta (madje dhe me video dhe foto) të dhunës dhe tejkalimeve të tjera të kompetencave nga policët privatë të kompanisë së sigurisë EUROGJICI në pronësi të funksionarit të lartë socialist Safet Gjicit i cili ka kontratë me dy universitetet publike të lidhur respektivisht nga Rektoratet e Universitetit të Tiranës dhe Universitetit Politeknik.

Nga të dhënat e marra nga Drejtoria e Thesarit të Shtetit (burimi Open Data Albania ? http://spending.data.al) rezulton se Kompania Eurogjici ka përfituar nga 2015 deri në 2018 një shumë nga buxheti i Rektoratit të Universitetit të Tiranës dhe atij Politeknik të siguruar nga tarfiat e studentëve prej 129,530,989 L (e konvertuar në Euro sipas kursit të Bankës së Shqipërisë 1.031.000 ?) përkatësisht në vlerat 97,860,832 L nga tarifat e studentëve të Universitetit të Tiranës dhe 31,670,157 L nga tarifat e studentëve të Universiteti Politeknik.

Bazuar në rastet e dhunës dhe fyerjeve ndaj studentëve protestues dhe tejkalimit të kompetencave por edhe të dëmtimeve të dhunshme të karrikeve dhe tavolinave (në bazë të urdhërit për heqjen e barrikadave që kishin vënë studentët në disa fakultete) të dokumentuara me prova filmike dhe fotografike, studentët kanë të drejtë t?i kërkojnë Rektorateve ndërprerjen e menjëhershme të kontratave me Kompaninë e policisë private të militantit dhe funksionarit të lartë socialist Safet Gjici i cili vepron konform angazhimeve të tij partiake dhe jo angazhimeve që duhet të ketë një kompani që paguhet nga tarifat e studentëve për të garantuar jo vetëm sigurinë por dhe të respektojë standardet etike dhe garancitë e paprekshmërisë së studentëve dhe të mos cënimit të të drejtave të tij kushtetuese për të protestuar.

Më poshtë po ju paraqesim edhe shumat përkatëse që ka përfituar Kompania EUROGJICI nga kontratat e majme me Universitetin e Tiranës dhe Universitetin Politikeknik të Tiranës nga viti 2015 e deri më sot.?/CNA.al