E vërteta e aferës 40 milionë euro/ Ja si e morri “DH Albania” zbatimin e projektit të Unazës së Madhe

9 Janar 2019, 20:14, Aktualitet CNA

Pas publikimit të skandalit të kompanisë ?DH Albania? në ?Zërin e Amerikës? e cila është ndihmuar nga instuticionet shqiptare, ka reaguar Sekretariati Teknik i Komisionit te Posaçëm te Licencimit.

Sipas materialit të servirur nga ky i fundit mësohet se shoqëria ?DH Albania? me kërkesën e saj të datës 13.07.2018, protokolluar në MIE me nr.1138 prot., datë 13.07.2018, ka aplikuar për njehsimin e licencës së huaj, në fushën e zbatimit në ndërtim. Shoqëria me shkresën e datës 18.07.2018, e protokolluar në MIE me nr.1162 prot., datë 18.07.2018, e deri në datë 27.07.2018 ka paraqitur dokumentacion plotësues të aplikimit për njehsim të licencës së huaj.

Njehsimi i licencës nga vendi i origjinës së shoqërisë ?DH Albania? është bërë me Vendimin e Këshillit të Ministrave Nr.42, datë 16.01.2008, ?Për miratimin e rregullores për kriteret dhe procedurat e dhënies së licencave profesionale të zbatimit, klasifikimit dhe disiplinimit tësubjekteve juridike, që ushtrojnë veprimtari ndërtimi?, i ndryshuar.

Sekretaria Teknike e Komisionit të Posaçëm, pasi vlerësoi plotësimin e dokumentacionit të paraqitur referoi aplikimin e kësaj shoqërie, së bashku me aplikimin e 33 shoqërive të tjera, ku paraqiteshin edhe 3 aplikime shoqërish për njehsim të licencës nga vendi i origjinës. Në mbledhjen e datës 30.07.2018 Sekretariati shqyrtoi të gjitha aplikimet që rezultonin të plota në perputhje me kërkesat ligjore dhe dokumentacion provues, dhe ja ka dërguar dosjen Komisionit për shqyrtim dhe vendimmarrje vetëm pasi dosja ishte plotësuar me të gjitha dokumentet nga subjekti kërkues?

Pasi kompania ?DH Albania? paraqiti gjithë dokumentacionin e kërkuar Ministria e Infrastrukturës dhe Energjisë ka kërkuar verifikim dokumentacioni, nëpërmjet kanaleve diplomatike, në SHBA. Pas pergjigjes se marre, ku rezultonte se dokumentacioni që lidhej me datën e krijimit të shoqërisë në vendin e origjinës nuk është i njëjtë me dokumentacionin e paraqitur prej degës së shoqërisë në Shqipëri gjate aplikimit për njehsimin e licences ne vendin e origjines, Ministria ka përcjellë trajtimin e ketij rasti prane sekretarise teknike te Komisionit te Posacem, i cili u trajtua ne nje mbledhje te posacme dhe u morr vendimi për heqjen e të drejtës së ushtrimit të aktivitetit në fushën e zbatimit në ndërtim, për një periudhë 5 vjet si dhe kallëzimin pranë organit të akuzës./CNA.al