Ndryshimet në qeveri/ Kryemadhi: Duhet larguar e gjithë lavatriçja e pastrimit të parave

28 Dhjetor 2018, 11:56, Aktualitet CNA

Kryetarja e LSI, Monika Kryemadhi ka reaguar për shkarkimet në qeveri, në një deklaratë për mediat.

Kryemadhi theksoi se këto shkarkime larguan vetëm disa pjesë të makinerisë së pastrimit të parave, por sipas saj zgjidhja është largimi i plotë i kësaj lavatriçeje, krahasimi të cilin e bën për kryeministrin Edi Rama.

?Kjo nuk është një ndryshim qeverie, e cila ra si rezultat i skandaleve korruptive

Vetëm me një tender Rama vjedh 40 milionë euro, po të ketë drejtësi, prokurori e gjykata, shqiptarët do shikojnë skandale pa fund sesa miliona euro po vidhen me afera e tendera korruptiv, që janë kthyer në lavatriçe të pastrimit të parave.

Rama harroi se qeveria duhet ti shërbejë qytetarëve, por ndërroi pjesë të lavatriçes së pastrimit të parave dhe ndërroi ilacin, por harroi se duhet ndërrruar lavatriçja që është vetë Edi Rama.?-tha ajo.

Më tej, kryetarja e LSI-së deklaroi se pretendimet e Ramës për 300 mijë vendet e reja të punës janë të pabaza, pasi po të bësh një llogaritje matematikore thekson ajo duhet që rritja ekonomike e vendit të jetë 10% dhe jo 4% .

?Dëgjojmë se janë hapur 262 mijë vende pune, po nuk dëgjojnë se 400 mijë të rinj e të reja enden në rrugët e botës.

Qeveria ra sepse ky përmend vendet e punjë, por shkollëpaku si gjithmonë gabon, se librin e matematikës e ka mbyllur në klasë të 4. Që të hapësh 300 mijë vende punë rritja ekonomike duhet të jetë 10 % dhe jo 4%.

Qeveria jote mashtrues ra, sepse ti vazhdon të gënjesh, sepse thua se rritja e konsumit është rritur, por konsumi është rritur në vetëm 10% të popullsisë, ndërsa në 90% të saj është ulur, pasi kanë rritje taksash dhe nuk kanë rritje pagash.?-shprehet Kryemadhi.

Në fund të deklaratës ajo kërkon nga të gjithë që të bashkohen me diasporën dhe të largojnë kreun e qeverisë, pasi sipas Kryemadhit ai është arsyeja pse vendi është në këtë gjendje sot.

?Qeveria jote ra, por tani duhet të biesh dhe ti, sepse në këtë mënyrë shqiptarët do kenë një jetë më të mirë, rroga e jetesa do jetë më e mirë.

Por duhet të ikësh dhe ti, sepse shqiptarët e kanë të domosdoshme që të jetojnë.

I bëjmë thirrje socialistëve, që Rama i ktheu në parti të surrelit, të bashkohen me shqiptarët për rrëzimin e këtij personi.

Ndaj, i bëj thirrje të gjithëve të bashkohën me diasporën, harroni politikën, o sot o kurrë, kundër kësaj lavatriçeje të krimit.?-mbylli fjalën e saj Monika Kryemadhi./CNA.a