web counter
LEXO PA REKLAMA!

SHKARKO APP

App Store
Google Play

Besimtarët kremtojnë sot lindjen e Krishtit/ Imzot George Frendo mesazh politikës

25 Dhjetor 2018, 07:32, Aktualitet CNA

Besimtarët katolikë e ortodoksë festojnë sot Krishtlindjen, ditën e lindjes së Jezu Krishtit. Pas darkës familjare, besimtarët katolikë me qirinj në duar i janë drejtuar Katedrales së ?Shën Palit?, ku kanë pritur mes lutjesh mbërritjen e mesnatës që shënon 25-dhjetorin e shenjtë për ta, lindjen e Birit të Zotit. Kjo ditë simbolizon paqe e dashuri ndër besimtarët, ndërsa në Tiranë kulmoi me meshën e mbajtur në katedralen e Shën Palit në mesnatë.

Besimtarët u lutën për paqe, mbarësi e dashuri. Imzot George Frendo u ka kërkuar besimtarëve të krishterë që ?Së bashku do të kremtojmë me gëzim lindjen e Jezu Krishtit. Të hapim zemrat tona që të pranojmë mesazhin e tij për jetën tonë dhe të shoqërisë?.-apeloi Imzot George Frendo.

Gjithashtu, Imzot George Frendo bëri apel për dialog dhe jo dhunë, ndërsa kishte një mesazh për politikanët nga të dy krahët.

Ndërsa, referuar ngjarjeve të fundit politike ka bërë apel për dialog dhe jo dhunë. Ai u shpreh se problemi më i madh i Shqipërisë sot është largimi i të rinjve, prandaj u bëri apel pozitës dhe opozitës që të ulen për të zgjidhur problemin e papunësisë. Frendo këshilloi të rinjtë që të kërkojnë më shumë për të krijuar një Shqipëri më të mirë, ndërsa shtoi se shqiptarët ka vuajtur shumë dhe tani meritojnë një jetë më të mirë.

Ndërkohë që festën e ka uruar edhe politika, nga Presidenti Ilir Meta, te kryeministri Edi Rama, lideri i PD, Lulzim Basha dhe kryetarja e LSI, Monika Kryemadhi. Në Shqipëri Krishtlindja festohet edhe nga jo të krishterët, pasi është një nga festat më të pëlqyera nga të gjithë.





Lajmet e fundit nga