Zbulohen detajet tronditëse/ Si Veliaj po tenton të "zhdukë" Tiranën

22 Dhjetor 2018, 13:24, Aktualitet CNA

Partia Demokratike vijon të hedhë akuza të forta në drejtim të kryebashkiakut të Tiranës, Erjon Veliaj dhe kryeministrit Rama.

Në një dalje për mediat, zëdhënësja e PD, Ina Zhupa dhe Këshilltari ligjor pranë PD-së, Gazmend Bardhi kanë vijuar akuzat në drejtim të Ramës e Veliajt, për ndryshimin e planit urbanistik të Tiranës, sipas tyre për ti hapur tokë ndërtimi atij që PD e emërton si ish-trafikanti Edmond Bego.

Partia Demokratike denoncoi se Edi Rama dhe Erion Veliaj kanë ndryshuar në 2017-n planin urbanistik të Tiranës, për të favorizuar projektin lluksoz 60-milionë eurosh, sipas tyre, të trafikantit të dënuar, Edmond Bego

Gazmend Bardhi, tha se në tre vjet Erion Veliaj ka ndryshuar strukturën e Tiranës për ta shndërruar Tiranën një lavatriçe të pastrimit të parave të pista.

?Në 3 vjet ai ka ndryshuar strukturën e të gjithë qytetit që t?i përshtatet projektit politik të Edi Ramës: shndërrimin e Tiranës në një lavatriçe të pastrimit të parave të pista.

E nisi karrierën si kryetar bashkie me projektin mafioz të plehrave, që i mori jetën 17 vjeçarit Ardit Gjoklaj, krim ky ende i pazbardhur. Një drejtësi e pavarur do të zbulonte se në këtë projekt janë përfshirë individë të lidhur me familjen e Erion Veliajt.?-tha Bardhi.

Më tej, ai theksoi se Veliaj ka në plan të zhdukë trashëgiminë kulturore të Tiranës, për të ndërtuar kulla.

?Kullë 40 kate tek ETC-ja, kullë 30 kate pas Hotel Tiranës, kullë 21 kate pas Sahatit, kullë 28 kate, Syri i Tiranës në qendër të kryeqytetit, kullë prapa Presidencës, kullë në ish bllok, kulla tek parku i Liqenit, kullë tek hotel Dajti, kullë 24 kate tek ish Muzeu i Shkencave të Natyrës.

Siç mashtroi qytetarët e Tiranës se gjatë mandatit të tij do të kishte zero ndërtime në kryeqytetet, njësoj po mashtron edhe sot Erion Veliaj se nuk ekziston projekti 60 milionë euro. i cili e detyroi Kryetarin e Bashkisë së Tiranës të ndryshojë Planin Urbanistik dhe projektin për Lumin e Lanës.

Mashtrimi, propaganda dhe presioni ndaj mediave nuk e mbulojnë dot të vërtetën se Plani Urbanistik i Tiranës dhe Projekti i Lanës u ndryshua me firmat e çiftit më të korruptuar të politikanëve në Europë, Edi Rama dhe Erion Veliaj. Kohës së përdorimit të kryeqytetit si lavatriçe e pastrimit të parave të pista po i vjen fundi!?-deklaroi Bardhi./ CNA.al

Skandali korruptiv Rama-Veliaj/ PD zbardh të tjera detaje