web counter
LEXO PA REKLAMA!

SHKARKO APP

App Store
Google Play

Furtunë në qeveri/ Rama përgatit ndryshimet

22 Dhjetor 2018, 18:35, Aktualitet CNA

Kryeministri Edi Rama pritet të bëjë disa ndryshime të forta në qeverinë e tij.

Burime zyrtare nga Partia Socialiste, i thanë CNA.al se kreu i qeverisë prej disa javësh është duke menduar për zëvendësimet që do të kryejë në kabinetin e tij qeveritar.

Të njëjtat burime theksuan se Rama duket të jetë i detyruar për këto lëvizje pas protestave të studentëve, që e shkulën nga themelet kabinetin e tij.

Megjithse gjatë protestave u përfol për largimin e mundshëm të Nikollës, kryeministri Rama nuk e dorëzoi atë. Por pritet që ai lëvizjet ti kryejë vetë, jo duke pranuar dorëheqjet e ndonjë ministri tjetër, por duke shkarkuar disa ministra dhe duke i zëvendësuar ata.

Mësohet se kreu i qeverisë është duke përgatitur lëvizjet e tij jo vetëm për shkak të protestave, por dhe nga një reagim i fortë që ka pasur nga opinioni publik në lidhje me rezultatet e pritëshme të qeverisë.

Rama prej shumë kohësh zhvillon sondazhe të njëpasnjëshme, të cilët i përdor edhe si analiza për punën e tij. Sondazhi i pak kohëve më parë tregonte se qeveria kishte një rënie të fortë, megjithëse Lulzim Basha  nuk ishte ende rivalizues me kabinetin e tij. Duket se këto sondazhe, protesta e studentëve, i qytetarëve për protestat e fundit kanë sjellë një reagim nga Kryeministri, i cili duket se po dëgjon më shumë këtë herë dhe po kupton se ministrat e tij janë problematikë, kanë jo pak skandale dhe duket se reflektimi do të vijë me ndryshime të forta në kabinet..

Paralel me këto ndryshime pritet që kreu i qeverisë të bëjë edhe disa lëvizje në lidhje me kërkesat e studentëve dhe gjithçka pritet të bëhet e ditur në ditët ne vijim.

Analize për çdo Ministri dhe rezultatet që do jenë evidentuar për të bërë në fund edhe përllogaritjet e tij si kryeministër, në lidhje me emrat që do të zëvendësojë në kabinetin e tij qeveritar./ CNA.al





Lajmet e fundit nga