web counter
LEXO PA REKLAMA!

SHKARKO APP

App Store
Google Play

Fati tragjik i vezës që goditi kryeministrin e kanabisit

20 Dhjetor 2018, 16:30, Aktualitet CNA

Nga Bislim Ahmetaj

Veza që u thye në kollaren e Edi Ramës, ndjehet e fyer, e trishtuar, fatkeqe dhe e penduar.

Ajo ndjehet e fyer sepse është përplasur mbi një trup që kuterbon era korrupsion, drogë, arrogancë dhe impotencë.

Ajo, veza e thyer mbi kostumin e shtrejnt të Kryeministrit u ndie e trishtuar kur e pa vetën të shtrirë në atë cohë të  butë. Do të dontë të ishte në pjatën e një vajzë apo djali që s’ka mundur të vijë në shkollë të lartë sepse prindërit e saj/të tij, janë skajshëm të varfër dhe i shohin vezët nëpër dyqane si mall luksi.

Veza që u thye në gjoksin e narkotizuar të Kryeministrit të kanabisit u ndie fatkeqe dhe e humbur që u gjend në fillim në xhepat e zëvendëskryeministrit real të vendit e më pas në dorën e një njeriu që me hedhjen e saj drejt kostumit të shtrejntë të Kryeministrit i rriti poenat e pamerituara.

Ajo veza që u ba kryelajm i ditës së sotme do të preferonte të ishte e strukur diku në një çugrrok me kashtë duke u ngrohur nga ndonjë pulë klloçkë që të bëhej zog e më pas pulë për vezë  apo për mish që të mund të shuante urinë e ndonjë familje të varfër në Shqipërinë që e ka mbytur trishtimi dhe varfëria.

Ajo , veza që e ndoti vetën me trupin e  kryeministrit është penduar për vdekje që u ç’virgjërua nga një njëri i  pamoralshëm.

Ajo ishte një vezë e pafajshme,  nuk e meritonte këtë fund. Ajo do të donte të bëhej vezë pashke dhe të gëzonte një fëmijë me ngjyrat dhe shijen e vet.

Ajo, veza që u thye në gjoksin e  monologistit që jeton në bunker nuk kishte ëndërr të dilte nëplr faqet e para te gazetave, as të.ishte lajm i parë nëpër televizionet e vendit, ajo ëndërronte të bëhej zog që të mund të fluturonte së paku edhe një ditë të vetme

Por në vendin ku drejton një i çmendur edhe fati i vezës është i paracaktuar…





Lajmet e fundit nga