Ligji i arsimit të lartë/ Meta, Rama, Basha e Kryemadhi bashkëfajtorë

6 Dhjetor 2018, 17:14, Aktualitet CNA

Ligji i arsimit të lartë është miratuar në vitin 2015 kur vendi qeverisej nga koalicioni PS-LSI.

Ky ligj për të cilin studentët kanë tre ditë që protestojnë, ka si autor kryministrin Edi Rama, presidentin Ilir Meta dhe kryetaren e LSI-së, Monika Kryemadhin.

Ndërkohë bashkëpunëtor në vendosjen e ligjit ka qenë edhe kryetari i Partisë Demokratike, Lulzim Basha, pasi në momentin që qeveria e miratoi atë, nga PD-ja u tha se ligji ishte në të mirën e arsimit.

Deputeti i Partisë Demokratike të Shkodrës, Romeo Gurakuqi, atëkohë dekan në UET, universiteti i Henri Çilit, ishte ai që foli për rëndësinë e këtij ligji, duke bërë edhe shkrim për të.

Në shkrimin e publikuar në vitin 2015, kohë kur u miratua ky ligj Gurakuqi kërkoi nga të gjithë që ta përshëndesnin këtë iniciativë të qeverisë, pasi sipas tij ishte shpëtim i arsimit nga ?kalbësia?, në të cilën ndodhej.

?Unë mendoj se, kushdo që ka ndërgjegje për këtë vend dhe të ardhmen e fëmijëve të tij, do të duhet ta përshëndesë, mbështesë dhe ta inkurajojë zbatimin e përshpejtuar të ligjit.

Projekt-ligjin e shndërruar në ligj, gjithsesi, unë do ta konsideroja vetëm hapin e parë të një udhe të gjatë reformuese, që hap mundësinë për shpolitizimin e ekipeve implementuese të parimeve të reformës. Ligji do të jetë një hap i parë, që ka nevojë të përforcohet dhe t?i jepet qëndrueshmëri, pavarësisht presioneve që do t?i nënshtrohet nga pjesa e kalbur e arsimit universitar, e mpleksur me politiken e vjetër dekonstruktiviste.?-shkruante ai.

Sipas deputetit demokrat, Reforma në Arsim ishte një arritje e personave vullnetmirë të vendosur në krye të Ministrisë së Arsimit, duke iu referuar kështu ministres Lindita Nikolla.

?Si është arritur deri këtu? Unë mendoj se kemi të bëjmë me kombinimin e disa faktorëve: presioni i forcave të pavarura intelektuale që tërhoqën vëmendjen mbi pikën fundore të degradimit; qenia e një faktori subjektiv progresist, vullnetmirë ndaj dëgjesës publike në krye të MAS; përbashkimi dhe konvergimi i zerave mbi tipin e terapisë që duhej ndërmarrë dhe puna në grup dhe me transparencë e një pjese të ekipit të ekspertëve; të gjitha këto kanë bërë që sot të kemi një pikë të dytë nisjeje, pas asaj të vitit 2007.?-vijonte në arsyetimin e tij Gurakuqi.

Pra janë këto arsyet kryesore pse sot dy drejtuesit e partive kryesore opozitare në vend nuk ndihen dhe nuk i bashkohen protestës së studentëve për mbrojtjen e të drejtave të tyre.

Meta, Basha dhe Kryemadhi janë po aq fajtorë saç është Rama e Nikolla në vendosjen e ligjit për arsimin e lartë, pasi në një mënyrë apo në një tjetër ata bashkëpunuan në miratimin e tij dhe në bindjen e qytetarëve se ai ligj ishte për të mirën e arsimit, kur në fakt ishte krejt e kundërta./CNA.al

http://www.panorama.com.al/ligji-mbi-universitetin-e-se-ardhmes/?fbclid=IwAR1sjqFRMIGp3XsyLGRPq3b22g8jTN2GeIkuZlJBpC3vw_avg2TYdrMSGgU