Përplasjet brenda Rilindjes/ Kush e sulmon ministren e Shëndetësisë?

3 Dhjetor 2018, 17:50, Aktualitet CNA

Prej disa kohësh brenda PS-së apo Rilindjes së Edi Ramës kanë plasur inatet dhe konfliktet e brendshme.

Shumë janë në hije disa janë publikë. Beteja e Tahirit me Veliajn dhe Xhafën nuk fshihet më. Braçe ka dalë hapur kundër Ahmetajt dhe Niko Peleshit që do t?i rrëmbejë vendin.

Së fundmi sulme kanë filluar edhe për ministren e Shëndetësisë Ogerta Manastirliu. Nuk ka asgjë për tu çuditur kur të akuzon opozita, kur ka akuza nga shoqëria civile etj, por kur vjen nga një luftë e neveritshme brenda llojit kupton se çfarë po ndodh te Rilindja.

Një foto e pak kohëve më parë ku shfaqej Ben Blushi Drejtor i Top-Channel, Ilir Beqaj deputet i PS-së e ish-ministër i shëndetësisë dhe Klodjan Allajbeu Administrator i Spitalit Amerikan, nuk ka nevojë për koment.

Le të bëjmë një kronologji. Pas asaj darke filloi një sulm i pandalshëm nga Top-Channel në drejtim të Ministrisë së Shëndetësisë, së fundmi edhe për mungesën e mjekëve në fshatra. Mjekë në Shqipëri mezi po plotësohen në spitalet Rajonalë, Beni i do dhe në fshat, ndoshta edhe te vila në Dardhë.

Më tej Spitali Amerikan filloi një emision në Top-Channel drejtuar nga një prej personave të ekipit kryesor të këtij spitali.

Këtej një spital privat emisionin, nga ana tjetër sulmohet Ministrja, më tej mund të kujtojmë dializën si PPP-të që Ilir Beqaj ia dha Spitalit Amerikan apo inatin që ky i fundit ka me pasardhësen e tij.

Së fundi emri i Manastirliut shpesh në PS është përdorur si një emër i mundshëm që është “asi nën mëngë” i Ramës për Tiranën kundër Lali Erit. Në fakt ky është më shumë diversion brenda PS-së dhe intrigë nga opozita. Rama vështirë se e hedh Lalin në kosh, me gjithë zullumet e tij mediatike, që fillojnë nga sulmet ndaj Tahirit dhe disa ministrave dhe përfundojnë me disa neomarksistë që sulmojnë ministren e Shëndetësisë, të njëjtët që Lali mund ti ketë përdorur me vezë kundër Ramës, apo me salcë kundër Lindita Nikollës.

Nga faktet duket se disa rryma dhe individë në PS, kanë një axhendë sulmi ndaj kujtdo që i del përpara në rrugën e tyre. Ilir Beqaj nuk i ndahet pasardhëses sepse ka inatet e tij për servilët e hequr, pazaret e prishura, dhe faktin që nuk fut dot hundët aty ku ishte ?mbret? jo pak kohë.

Lali Eri dhe ?brigada? e tij e sulmit në media, por edhe ajo në rrjet duket e tronditur që mund të jetë dikush tjetër në vend të tij. Asnjë emër nuk duhet të përmendet dhe askush nuk mund ta çojë ndërmend, ndryshe sulmohet egërsisht.

Ben Blushi bën qokat e Beqës dhe Spitalit Amerikan që ka blerë orarin e një emisioni për shëndetësinë, orar që i duhet dhe për të tjera qëllime. Partneriteti me një TV kombëtar mund t?i sjellë jo pak benefite, por edhe mund të përdoret për të sulmuar ministrin përkatës që nuk pranon të zbatojë ato që ka firmosur Beqja apo të tjera që kërkohen.

Një betejë që duket se ka dalë edhe nga kontrolli i Ramës që tashmë nuk e pyesin as ushtarët e fundit të qejf mbetur, të uritur, apo që nuk ngopen kurrë./CNA.al