web counter
LEXO PA REKLAMA!

SHKARKO APP

App Store
Google Play

Iu gjetën 1433 rrënjë kanabisi/ Burgosen dy shqiptarë në Angli (emrat)

2 Dhjetor 2018, 12:16, Aktualitet CNA

Dy shqiptarë, që kujdeseshin për rritjen e 1433 rrënjë kanabis, me vlerë tregu 1 milion sterlina, janë dënuar nga një gjykatë angleze me nga 3 vite burg secili.

Nga mediat angleze mësohet se bëhet fjalë për Pluton Kamberi dhe Ervis Bashllari i thanë gjykatës se u përfshinë në këtë aktivitet kriminal, për të paguar borxhin prej 11.000 stërlina që secili, kishte paguar për të hyrë ilegalisht në Angli.

Shqiptarët e  përfshirë në rritjen e 1433 rrënjëve kanabisi, me vlerë tregu 1 milion stërlina, janë dënuar me 3 vite burg nga Gjykata e qytetit Hull në veri të Anglisë.

Prokurori i çështjes e konsideroi fabrikën e kanabisit në bodrumin e një restoranti indian, si një operacion kriminal të sofistikuar. Policia gjeti gjatë bastisjes së kësaj fabrike 1433 rrënjë kanabis në total, prej të cilave 600 gati për t’u prerë e paketuar për shitje.

Ndërkohë Kamberi dhe Bashllari i pranuan akuzat për kultivimin e lëndës narkotike të klasit B dhe më tej rrëfyen edhe arsyen e ndërmarrjes së këtij aktiviteti kriminal. Gjatë marrjes në pyetje, Ervis Bashllari i tha policisë se ai merrej konkretisht me ujitjen e bimëve të kanabisit dhe supozohej të paguhej 100 stërlina në ditë por prej shumë javësh ai nuk ishte paguar .

?Pas arrestimit tim dhe shkatërrimit të bimëve të kanabisit jam i frikësuar për jetën e familjes time në Shqipëri?-ka pohuar 31 vjeçari për policinë.

Ndërsa pas kryerjes së plotë të dënimit, Pluton Kamberi dhe Ervis Bashllari do të dëbohen nga Anglia./ CNA.al





Lajmet e fundit nga