web counter
LEXO PA REKLAMA!

SHKARKO APP

App Store
Google Play

E fundit!

x

Nga mbërritja e FBI, te transferimi i dosjeve të korrupsionit/ Si do shkohet tek arrestimet “VIP”

29 Nëntor 2018, 08:30, Aktualitet CNA

Reforma në drejtësi duket se ka hyrë në një rrugë të pakthyeshme. Një ditë më parë u raportua se është zhbllokuar ngritja e KLGJ dhe e KLP, ndërsa përmes tyre do të shkohet te arrestimet e bujshme.

Por cila është rruga që do të ndiqet? Së pari do të mblidhen gjyqtarët dhe prokurorët dhe do të zgjedhin nga 6 përfaqësues në KLGJ dhe në KLP. Ndërkohë Kuvendi më herët ka zgjedhur nga 5 përfaqësues në secilin institucion. Brenda dhjetorit si KLGJ, ashtu dhe KLP konstituohen.-raporton gazeta Sot.

Sipas ligjit, dy muaj nga konstituimi i tyre duhet që të ngrihet Struktura e Posaçme Antikorrupsion. Në janar KLP pritet të hapë garën për prokurorë në SPAK. Ndërsa KLGJ do të hapë garën për gjyqtarë. Ata duhet që të kenë kaluar vetingun dhe po ashtu duhet që të heqin dorë nga privatësia, pasi do jenë gjatë gjithë kohës në përgjim. SPAK do të vendoset te godina e Krimeve të Rënda, ndërsa më pas do ngrihet Byroja e Hetimit, e cila do vendoset te ish-godina e Ministrisë së Shëndetësisë.

Sapo SPAK të jetë ngritur, menjëherë do nisin lëvizjet për të zbuluar aferat e korrupsionit. Ata që do kenë telashe janë zyrtarët që kanë çështje ende të hapur me drejtësinë. Sipas ligjit, prokuroria dhe Gjykata e Krimeve të Rënda, menjëherë do të transferojnë në SPAK çështjet që kanë në shqyrtim, si për krimin e organizuar ashtu dhe për korrupsionin. Po ashtu më pas dhe prokurori e gjykata të tjera që kanë çështje për deputetë, ish-deputetë, ministra, ish-ministra e zyrtarë të tjerë të lartë do i transferojnë dosjet.

Lufta ndaj korrupsionit në vend do të drejtohet nga ndërkombëtarët. Në ligj është e përcaktuar se vetë Byroja e Hetimit do të jetë në dorë të tyre. ?Një komision i përbërë nga ekspertë të drejtësisë penale, të caktuar nga misionet e Bashkimit Europian dhe Qeverisë së Shteteve të Bashkuara të Amerikës në Shqipëri, do të japë udhëzime dhe këshilla për themelimin dhe zhvillimin e Byrosë Kombëtare të Hetimit, për një periudhë 2-vjeçare, duke nisur nga momenti i themelimit të kësaj Byroje. Komisioni i Pavarur i Rishikimit vëzhgon në mënyrë aktive procesin e rekrutimit dhe trajnimit të punonjësve të Byrosë Kombëtare të Hetimit, si dhe miraton materialet e trajnimit të hetuesve dhe Drejtorit të Byrosë Kombëtare të Hetimit?, thuhet aty. Byroja do të jetë në varësi të SPAK dhe pritet një asistencë të madhe të ketë dhe nga FBI. Pak kohë më parë një prej ekspertëve të USAID Jon Smibert ka dhënë detaje në këtë aspekt, duke thënë se komisioni që do të asistojë dhe monitorojë ngritjen e SPAK do jetë agjent i FBI.





Lajmet e fundit nga