web counter
LEXO PA REKLAMA!

SHKARKO APP

App Store
Google Play

E fundit!

x

Plasin skandalet/Shkaterrohen zgjedhjet në PD, farsë e Lulzim Bashës

24 Nëntor 2018, 08:31, Aktualitet CNA

Zgjedhjet në Partinë Demokratike dhe procesi i rirganizimit duket që po finalizohet me skandale dhe po kthehet ne finalizimin e rrudhjes, percarjes dhe coptimit te PD.

Një proces që mund të quhet farsë, i pavërtetë dhe që nuk i shërben PD-së, por ne fakt i shëben interesave presonale të kreut të saj, Lulzim Basha, që me sa duket po çmonton në themele Partinë Demokratike, për të ndërtuar partinë e tij të Republikës së Re.

CNA.al ka sjellë me detaje sot gjatë gjithë ditës se çfarë po ndodh me zgjedhjet në PD.

Së pari një shkelje e madhe e statutit është se nuk po miratohen kandidatët për kryetarë të degëve nga Kryesia e PD-së. Statuti e përcakton qartë që kryetarët e dekëve të Partisë Demokratike duhet të miratohen nga Kryesia. Kjo gjë nuk po ndodh, por çohen emra sipas interesave personale të Lulzim Bashës.

I njëjtë është rasti i degës së Vlorës ku është çuar biznesmeni i afërt i familjes së tij, apo në Durrës, Kolonjë,  apo disa qytete të tjera ku janë hequr emrat  sipas qejfit dhe janë lënë ata që ka preferuar Lulzim Basha, ose janë rikonfirmuar në detyrë kryetarë aktualë, siç është rasti i Lushnjës, Fierit, Korces, Sarandes, dhe disa raste të tjera në Shkodër apo gjetkë.

Një rast tjetër i pazareve antistatutore të shkatërrimit të PD-së për interes të Republikës së Re është rasti i Gjirokastrës. Basha në pazar me kreun aktual të PD-së, Roland Bejko ka vendosur të tërhiqet nga kandidimi dhe ka pranuar që në krye të degës të vendoset Dasho Aliko, familjar dhe ai afërt i tij.

Një rast tjetër është skandali që ka ndodhur me PD-në në Sarandë,  ku kryetarët e seksiooneve dhe sekretarët të cilët janë delegatë, janë vendosur duke u firmosur në tavolinë.

CNA.al solli me fakte se si në ish-komunën Finiq janë emëruar kryetarë të seksioneve të paktën ose 4 ose 5 seksione, të cilët janë delegatë të Kuvendit të Degës.

Një rast tjetër skandaloz, pak më parë u soll nga CNA.al me degën e Partisë Demokratike në Lushnjë.

Megjithse nuk ekziston në statut degë e rrethit, Lulzim Basha e ka shpikur për të shpëtuar përplasjen dhe konfrontimin me deputetin e Lushnjës, Myslim Murrizi.

Përtej shpikjes së kryetarit të degës së rrethit, Lushnja është organizuar me dy nëndegë. Atë të Lushnjes dhe atë të Divjakës, ku janë vendosur edhe 4 kandidatë për kryetarë.

Në fakt në statutin e PD-së nuk ekziston nocioni i nëndegëve ashtu siç nuk ekziston nocioni i PD-së së rrethit.

Pra edhe kjo zgjidhje e bërë për Lushnjën është totalisht antistatutore dhe Lulzim Basha, këtë pazar e ka bërë për të një zgjidhje në lidhje me situatën që krijohej në këtë degë.

Të tjera problematika po hasen në Shkodër, Elbasan, Korçë, Kukës e kudo ku garat janë antistatutore, pasi kandidatët nuk janë të miratuar nga Kryesia e PD-së dhe aty ku është tentuar të bëhet proces, ai është falsifikuar. Janë emëruar delegatët, kryetarët e grupseksioneve nuk janë zgjedhur sipas statutit, pa folur më tej për problematikat që përmendëm më sipër.

Që nga shpallja e kryetarëve të rretheve, nëndegëve, kandidatet e pamiratuar, standartet e munguara, shpikje vendimesh dhe veprime  që nuk ekzistojnë në statut, apo edhe shumë problematika të tjera, që përfundojnë në zyrën e Lulzim Bashës, me qëllim shkatërrimin e Partisë Demokratike dhe ndërtimin e Republikës së Re.

Republikës dhe Partisë së Lulzim Bashës./ CNA.al

 





Lajmet e fundit nga