web counter
LEXO PA REKLAMA!

SHKARKO APP

App Store
Google Play

E fundit!

x

May zotohet se do të luftojë për planin e saj të Brexitit

15 Nëntor 2018, 19:12, Aktualitet CNA

Kryeministrja britanike, Theresa May ka thënë në një konferencë për media se pavarësisht vendimeve të vështira, një draft marrëveshje për Brexitin, e cila tashmë ka marrë miratimin e kabinetit të saj do të mbrojë vendet e punës dhe sigurinë.

Duke përmendur përgjegjësinë e madhe që ka në procesin e Brexitit, May ka thënë se qëllimi i saj është që të vendosë interesin kombëtar në rend të parë.

?Besoj me gjithë qenien time se rruga që kam zgjedhur është e drejta për shtetin dhe popullinë tonë?, ka thënë May.

Sipas saj pavarësisht disa dorëheqjeve pas miratimit të draftit të parë për Brexit ajo beson në planin e saj për largim të Britanisë nga Bashkimi Evropian.

Komentet e saj kanë ardhur pasi vetëm 12 orë pasi ajo ka njoftuar se kabineti i saj është pajtuar në paktin për Brexit, ministri për Brexit, Dominic Raab dhe ministrja për Punë dhe Pensione, Esther McVey kanë dhënë dorëheqje nga pozita e tyre.

Kryeministrja May tani ka nevojë për votën e 320 ligjëvënësve në parlamentin prej 650 ulëseve për të miratuar marrëveshjen, shkruan REL.

E pyetur nga gazetarët nëse do të ketë mundësi të organizimit të referendumit të dytë, ajo ka thënë se nuk do të ndodhë një gjë e tillë, sepse sipas saj populli tanimë ka treguar dëshirën e tyre në referendumin e parë.

Në referendumin e 23 qershorit më 2016, 17.4 milionë persona apo 51.9 për qind e votuesve kanë përkrahur largimin nga BE-ja derisa 16.1 milionë të tjerë apo 48.1 për qind të tjerë kanë votuar kundër Brexitit.

Britania pritet të largohet nga blloku evropian në mars të vitit 2019.





Lajmet e fundit nga