web counter
LEXO PA REKLAMA!

SHKARKO APP

App Store
Google Play

Mos dekretimi i Lleshit/ Basha tregon pse avancoi konflikti Rama-Meta

12 Nëntor 2018, 20:54, Aktualitet CNA

Kreu i Partisë Demokratike, Lulzim Basha i ftuar në emisionin e Artur Zhejit ka thënë se konflikti midis Presidencës dhe Kryeministrisë për çështjen e ministrit të ri të Brendshëm, ka ardhur si pasojë e mungesës së Gjykatës Kushtetuese.

Basha është shprehur se një vend pa Gjykatë Kushtetuese, është një vend që qeveriset në kushtet e paligjshmërisë dhe e ka barazuar atë me grushtin e shtetit.

?E para është problemi institucional që i takon një institucioni, që është Gjykata Kushtetuese, që vendos për interpretimin e Kushtetutës, përcakton qëndrimet e kryeministrit dhe Presidentit. Ajo që është zbuluar në këtë episod një javor, është dimensioni institucional i krizës që përjetojnë shqiptarët, ky është dimensioni i krizës kushtetuese. Që prej një viti, shqiptarët nuk kanë Gjykatë Kushtetuese.

Një vend pa Gjykatë Kushtetuese, është një vend që qeveriset në kushtet e paligjshmërisë.

Madje, dikush do të thoshte në kushte të ngjashme me grushtin e shtetit. Me zhdukjen e Gjykatës Kushtetuese, do të thotë që ky pushtet absorbohet nga një grusht njerëzish dhe këtë e shohim ditë për ditë, që nga ligji për teatrin e deri tek protesta e banorëve që shohim tek Unaza e Re. Dimensioni institucional i krizës është i qartë edhe me rastin e konfliktit të Presidentit dhe kryeministrit për ministrin e Brendshëm?,- ka thënë Basha./ CNA.al





Lajmet e fundit nga