Dita e fotografisë Gjon Mili në Korçë/ Flet kuratori Osman Demiri

9 Nëntor 2018, 19:36, Aktualitet CNA

Në qytetin e Korçës, më 24 nëntor, do organizohet ” Dita e Fotografisë Gjon Mili”. 30 fotografë nga vendet e Ballkanit do të jenë në një ekspozitë të përbashkët.

“Street life Balkans” titullohet ekspozita, e cila financohet nga Bashkia e Korçës dhe do të qëndrojë e hapur për një javë. Kuratori i kësaj ekspozite, Osman Demiri shprehet se Ballkani shpesh gjendet ne huti per shkak te patriotizmit te rrejshem, arti ne keto vende duhet te përcjellë mesazhe racionale për te dale nga labirinthet e errëta ku e kanë futur.

Pyetje: Per ju si kurator, cfare do te thote te kuroni nje ekspozite qe mban emrin e Gjon Milit pikërisht në vendlindjen e tij.

Osman Demiri:Të punosh në një projekt që mban emrin e tij, para së gjithash është një përgjegjësi dhe një barrë e madhe, por edhe një privilegj dhe kënaqësi, sepse Gjon Mili është emër i madh në botën e fotografisë. Kënaqësi e llojit të vet është edhe ?kthimi?, apo ripërtëritja e emrit të tij, pikërisht në Korçë. Hapja e këtij muzeu është ngjarje historike, njëkohësisht edhe një homazh i punës dhe veprës së tij, si mirënjohje për atë që ai bëri për fotografinë, sidomos për krenarinë e tij për prejardhjen shqiptare.

Pyetje: Sipas këndvështrimit tuaj, fotografinë ballkanike si mund ta lexoje një ballkanik, kur dihen rruget e historise se re dhe te vjeter.

Osman Demiri: Kjo është pyetje shumë delikate, sepse Ballkani çdoherë ka qenë një vorbull i turbullt dhe i paparashikueshëm. Me pozitën strategjike që ka pasur gjatë historisë, por edhe sot, çdoheherë është përdorur si eksperiment nga fuqitë e mëdha. Kjo dukuri ka lënë pasoja dhe ka ndikim shumë të madh në mentalitetin ballkanik, që ata sot e kesaj dite të mos merren me vetveten, por merren me njëri tjetrin. Andaj, askush nuk mund të jep një përgjigje të saktë se si do ta lexojë fotografinë, apo artin në përgjithsi një banor ballkanik. Indoktrinimi i thellë që i është bërë popujve të ballaknit na ka futur në labirinthe të errëta dhe te rrejshme patriotike. Mendoj se vlera e vërtetë e ballkanit është funksionimi i të menduarit racional, se vetëm kjo ka vlerë, prandaj, së paku artisti duhet të merret me vlerat e mirëfillta artistike dhe jo me problemet, të cilat në mënyrë permanente krijojnë vetëm huti dhe histori të rrejshme.

Pyetje: Ekspozita cfare do u dhuroje admiruesve te fotografise.

Osman Demiri: Kjo ekspozitë është vërtetë një hap përtej asaj që e thash më lartë. Është një mënyrë e të menduarit ndryshe nga politika dhe nga patriotizmi i rrejshëm. Çdonjëri nga pjesmarrësit sjell nga një tabllo të vendit të vet, me të cilën demaskon atë që trumpeton politika ditore. Mënyra e jetës pothuajse është çdokund e njejtë, por e treguar nga një këndvështrim i vërtetë artistik. Edhe vuajtja edhe gëzimi kanë një emër të përbashkët kudo qofshin ato, ndryshon vetëm filozofia dhe mënyra e të menduarit dhe të prezentuarit, që na e përcjellin artistët. Shikuesi do të ket mundësinë të lexoj historinë dhe të tashmën e çdo shteti që na prezentohet në këtë ekspozitë, pa lajka. Edhepse fotografitë të gjitha janë bardh e zi, ata mund t?i shikojnë të gjitha ngjyrat e jetës së banorëve të këtyre shteteve. Vet titulli i ekspozitës ?Jeta nëpër rrugët e Ballkanit?, flet shumë, sepse rruga nuk njeh fshehtësi, aty pasqyrohet gjendja dhe fytyra e vërtetë e një vendi. Dhe pikërisht fotografia e rrugës na e mundëson këtë gjë, pasqyron edhe të mirat edhe të metat e një shoqërie, të përmbushura me ndjesinë dhe këndvështrimin e veçante të çdo fotografi, që këtyre imazheve u japin shprit artistik.

Pjesëmarrës në këtë organizim do të jenë:

Burhan Ahmeti ? Macedonia

Merih Akogul – Turkey

Boro Arsovski ? Macedonia

Vasilis Artikos – Greece

Fatih Balkan – Turkey

Ernest Baba ? Albania

Goran Boricic – Montenegro

Enver Bylykbashi ? Kosova

Haris ?alki? – Bosnia and Herzegovina

Igor ?oko – Serbia

Fisnik Dobreci-Montenegro