web counter
LEXO PA REKLAMA!

SHKARKO APP

App Store
Google Play

E fundit!

x

Nga Shqipëria në Iran, Philipp Plein sapo fëlliqi të gjithë ata që shesin mend me veshje false

2 Nëntor 2018, 11:10, Aktualitet CNA

Herën tjetër, para se të shesësh mend me një veshje apo aksesor të një marke të njohur, duhet të mendohesh mirë.

Kjo pasi stilisti i mirënjohur Philipp Plein ka nisur një fushatë të gjerë për të demaskuar të gjithë ata persona/dyqane që blejnë apo shesin rroba false të markës së tij.

Pjesë e kësaj fushatë janë bërë veçanërisht dyqanet online që janë rritur shumë në numër dhe pretendojnë se shesin mallra origjinale.

Nëpërmjet disa postimeve në Instagram, ai ka paralajmëruar të gjithë ata që shesin dhe blejnë rroba false, të heqin dorë nga kjo gjë, pasi do të targetohen dhe demaskohen publikisht.

Në fakt stilisti e ka nisur fushatën në profilin e tij personal, ku ka publikuar foto të të gjithë atyre personave që kanë veshur rroba false që mbajnë logon dhe emrin e markës së tij.

Gjetja e tyre ka qenë shumë e lehtë për Philipp Plein, i cili bëhet shpesh herë ?tag?, në postimet në Instagram.

Kështu vetëm në Stamboll, ai kishte pikasur mbi 35 mijë foto me markën e tij të flasifikuar.

Fushata vijon dhe ndër personat e demaskuar në profilin e tij renditen edhe të rinj nga Shqipëria, Kosova, Irani, Brukseli etj, që kanë pozuar me veshjet false dhe kanë etiketuar profilin e markës origjinale.

Epo herën tjetër që bëni ?tag? një markë të njohur, bëni mirë të siguroheni se çfarë keni veshur!





Lajmet e fundit nga