web counter
LEXO PA REKLAMA!

SHKARKO APP

App Store
Google Play

E fundit!

x

Tiranë-Durrës tani me pagesë/ Qeveria e jep me koncesion

30 Tetor 2018, 17:33, Aktualitet CNA

Qeveria shqiptare ka planifikuar të nënshkruajë edhe tre kontrata të reja koncesionare, për infrastrukturën rrugore dhe aeroportuale. Të gjitha koncesionet e reja do të kushtojnë gjithsej 262 miliardë lekë.

Në to përfshihet koncesioni i autostradës Tiranë-Durrës, me vlerë 49 miliardë lekë, autostrada Kashar-Rrogozhinë me vlerë 84 miliardë lekë.

Ndërkohë kontrata e koncesionit për aeroportin e Vlorës pritet të kushtojë 14 miliardë lekë dhe do të financohet me PPP, ndërsa koncesioni për aeroportin e Kukësit do të ketë një vlerë prej 884 milionë lekësh.  Në projektet e qeverisë përfshihen edhe shkollat e Tiranës dhe spitali rajonal i Fierit.

Vitin që vjen janë parashikuar të financohen 12,6 miliardë lekë  nga 7,3 miliardë lekë të planifikuara për tu paguar këtë vit.  Në fillim të vitit 2018 ishin planifikuar 9.3 miliardë lekë financime për koncesionet, por mos hyrja në fuqi e kontratës së koncesionit të shërbimit laboratorik dhe për inceneratorët e kanë ulur shumën e financimit ne 7.3 mld leke.

Ministria e Financave sqaron se shuma e pagesave vjetore neto nga kontratat koncesionare dhe partneriteti publik privat, nuk duhet të tejkalojnë 5 për qind të të ardhurave tatimore faktike të vitit paraardhës buxhetor. Në rast të tejkalimit të këtij kufiri, Këshilli i Ministrave, merr masa në të ardhurat buxhetore, për tu rikthyer brenda normave, gjatë dy viteve të ardhshme. /CNA.al





Lajmet e fundit nga