E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Leonardo DiCaprio dhe Martin Scorsese sërish në një “ekip”, ja filmi i ri për të cilin po punojnë

26 Tetor 2018, 19:45, Lifestyle CNA

Aktori Leonardo DiCaprio dhe regjizori Martin Scorsese do i bashkohen sërish një skuadre filmike për të realizuar një projekt të ri.

Kompania e filmave ?Imperative Entertainment? ka blerë të drejtën për të kthyer në film,një nga librat më të shitur të New York Times ?Killers of the Flower Moon?. Që kur ata e lajmëruan këtë në vitin 2016 e duke pasur parasysh historinë interesante të librit dhe suksesit që mund të vijë nga përshtatja në film si Scorsese ashtu dhe DiCaprio shprehën dëshirën për të qenë pjesë e projektit.

Historia është e vendsour në vitet 1920 në Shtetet e Bashkuara, në Oklahoma dhe bën fjalë për ?Osage Nation?. Kjo është një shoqëri e përbërë nga njerëzit më të pasur të atyre viteve në Amerikë, të cilët fituan shumë nga zbulimi i naftës në pronat e tyre. Një nga një ata vriten dhe një grup i FBI merr çeshtjen përsipër duke zbuluar një nga rastet më famëkeqe kriminale të historisë së vendit. ?Imperative Entertaiment? është takuar me ?Osage Nation? dhe ndërkohë që skenari është gati, po zbulojnë lokacionet ku mund të xhirohet. Nuk dihet ende çfarë roli do të ketë DiCaprio dhe as kush do jetë cast-i bashkë protagonist dhe mbështetës i tij.

Ndërkohë Scorsese ka folur për projektin dhe thotë: ?Kur lexova librin mundesha të shihja njerëzit, vendodhjet, aksionin, e dija se si ta ktheja në një film. Jam shumë i lumtur që do të punoj dhe një herë me Eric Roth(skenarist) dhe Leo-n, për të sjellë dhe një herë një histori famëkeqe amerikane.?

Kujtojmë që kjo do jetë hera e gjashtë që Scorsese do të jetë në të njejtin ekip me DiCaprio-n për realizimin e një filmi, i fundit ishte ?The Wolf of Wall Street? i cili u nominua dhe për Oscar. Për momentin DiCaprio është duke xhiruar në krah të Brad Pitt për filmin ?Once Upon a Time In Hollywood? me regji të Tarantinos ndërsa Scorsese është duke drejtaur dramën e Netflix ?The Irishman? me yje si Robert De Niro dhe Al Paçino.