E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Kokëdhima kritikon ashpër Qeverinë/ "Misioni i Rilindjes është krimi dhe korrupsioni"

25 Tetor 2018, 13:45, Aktualitet CNA

Kreu i Partisë Zgjidhja, Koço Kokëdhima, me anë të reagimi në rrjetet sociale ka kundërshtuar rrëzimin e dekretit të Presidentit, i cili i hap rrugë shembjes së Teatrit Kombëtar.

Sipas Kokëdhimës, Teatri nuk duhet lënë që të prishet, pasi është një monument i historisë së popullit shqiptar.

Ndër të tjera ai ka shtuar, se misioni i Rilindjes nuk është ruajtja e vlerave kombëtare po hajdutëria, krimi dhe korrupsioni.

Më tej në reagim thuhet, se krime të këtij lloji e bëjnë akoma edhe më emergjente rivendosjen e zgjedhjeve të lira në Shqipëri.

Komunikata e plotë

Reagimi i kryetarit të partisë Zgjidhja

Teatri nuk duhet lejuar të prishet

Koço Kokëdhima

Mazhoranca rrëzoi herët në mëngjes, hajdutçe, vetëm me votat e saj në Komisionin e Veprimtarive Prodhuese, dekretin e presidentit që kërkonte rishqyrtimin nga Kuvendi të ligjit për shembjen e godinës së Teatrit Kombëtar dhe ndërtimin e kullave në atë truall.

Mjerim! Rilindja nuk ka për mission ruajtjen e vlerave kombëtare, kulturore dhe historike të vendit, por zhbërjen e tyre. Misioni i saj është hajdutëria, krimi dhe korrupsioni.

Teatri Kombër nuk duhet lënë që të prishet. Elita politike e degjeneruar e Shqipërisë kërkon t?i shkatërrojë të gjitha institucionet morale dhe shpirtërore të popullit.

Ajo ndërtesë 80-vjeçare nuk është vetëm shtëpia e aktorëve tanë të shquar, por një monument i historisë së popullit, trashëgimi e vetëdijes sonë dhe nuk mundet të prishet dhe nuk ka asnjë arsye që të prishet. Ai është një akt i pastër hajdutërie dhe korrupsioni, me ligj.

ZGJIDHJA do ta mbështesë deri në fund betejën për mbrojtjen e Teatrit Kombëtar, prishja e të cilit nisi që 22 vite më parë, kur u masakruan zgjedhjet në Shqipëri, kur qeveritë e partive të vjetra nisën shkatërrimin e lirive tona njerëzore, politike dhe ekonomike .

Krime të tilla të paimagjinueshme për botën demokratike, e bëjnë edhe më emergjente nevojën e rivendosjes së zgjedhjeve të lira në Shqipëri, shembjes së partitokracisë dhe respektimit të të drejtave të sovranit. /CNA.al