web counter
LEXO PA REKLAMA!

SHKARKO APP

App Store
Google Play

E fundit!

x

Rrëfimi prekës i gazetares shqiptare/Tregon përballjen e nënës së saj me kancerin e gjirit

23 Tetor 2018, 07:50, Lifestyle CNA

Muaji tetor është muaji i ndërgjegjësimit për kancerin e gjirit dhe nëpërmjet fushatave por edhe thirrjes publike në rrjete sociale e televizion, figura të njohura u kërkojnë të gjitha grave që të bëjnë kontrollet e nevojshme dhe të jenë në dijeni të gjithçka ndodh në trupin e tyre. Sëmundje të tilla asnjëherë nuk paralajmërojnë por është shumë e rëndësishme të kapen në fazat e para.

Nëpërmjet një postimi në rrjete sociale Fiori Dardha, moderatorja dhe autorja e ?Boom? ka kërkuar ndërgjegjësimin e të gjitha grave dhe ka rrëfyer një histori nga jeta e saj, të nënës së saj duke e treguar si shembull se nëse arrin ta kapësh sëmndjen në fazën fillestare mund ta mposhtësh.

?Kam parë shumë postime në këtë muaj ndërgjegjësimi për kancerin e gjirit. Kisha vendosur të mos e përmendja fare këtë dreq sëmundjeje, sepse më duket sikur, po e përmende, ajo e mallkuar kujtohet për ty, për familjen tënde. Kam humbur një person shumë të shtrenjtë nga kanceri i gjirit dhe sikur të mos mjaftonte, m?u desh te përballesha sërish me të kur sëmundja preku mamin tim. Por, sot dua të them vetëm diçka: Mami im e mposhti sëmundjen, vetëm sepse e konstatoi në një fazë të hershme. Kur zbulohet që në fazat e para, kanceri i gjirit është plotësisht i kurueshëm! Më besoni! Sot, kur shoh mamin tim, falënderoj Zotin dhe mbi të gjitha mjekët që sugjeruan kontrollin për të, pavarësisht se nuk kishte asnjë simptomë të sëmundjes. Mos neglizhoni! Me këtë sëmundje nuk bëhet shaka! P.S: Për mjekët dhe stafin e shërbimit onkologjik: mirënjohja ime për ju është e pamatë! Jeni heronj të vërtetë?, shkruan Fiori në postimin në Instagram.





Lajmet e fundit nga