web counter
LEXO PA REKLAMA!

SHKARKO APP

App Store
Google Play

Luli e “çliroi” Shqipërinë/ Pas pushimeve pret pazarin e radhës?

18 Tetor 2018, 09:01, Aktualitet CNA

Në fillim të këtij sesioni të ri parlamentar, opozita bojkotoi seancat plenare të Kuvendit, si shenjë proteste kundër kriminalitetit në vend.

Në javët e para, çdo të enjte opozita e bashkuar zhvilloi takime paralele me punimet e seancës parlamentare, jo në Kuvend, por në qytete të ndryshme. Opozita zhvilloi takime në Shkodër, në Elbasan, në Durrës dhe në Vlorë, për të denoncuar situatën kriminale në këto qytete.

Por, çfarë ndodhi më pas?

Ndërkohë që parlamenti vijon të mblidhet pa praninë e opozitës dhe Rama miraton ligjet në rendin e ditës, i pa shqetësuar nga askush, opozita nuk duket gjëkundi.

Basha jo vetëm që nuk është aty ku duhet të jetë për të ngritur zërin, për të mbrojtur interesat e qytetarëve në Kuvend, por për më tepër ka dy javë që nuk zhvillon më as takime në qytete, siç tha më parë se do të denonconte krimin.

Mesa duket tashmë Shqipëria është çliruar nga krimi, përderisa Basha ka marrë pushimet dhe nuk po duket gjëkundi.

Pasi, Basha e ?çliroi? Shqipërinë nga krimi, prezantoi edhe dy platforma për çlirimin e ekonomisë dhe për çlirimin e zgjedhjeve, ndërsa tani ka marrë pushimet, se është lodhur shumë Luli, ose po pret pazarin e radhës me kryeministrin Rama./CNA.al





Lajmet e fundit nga