Connect with Us

Në dy kohë/ Ilir Meta vrasës apo mik i Tropojës?!

Aktualitet

Në dy kohë/ Ilir Meta vrasës apo mik i Tropojës?!

Publikuar

-

Presidenti Ilir Meta është shfaqur shpesh kohët e fundit në Tropojë. Ai duket se ka fituar mikpritjen e tropojanëve dhe tani duket i preferuari i tyre, kuptohet gjithmonë pas Sali Berishës.

Por, historia e Ilir Metës dhe dashuria e tropojanëve me presidentin ka dy kohë, atëherë kur e merrnin me shqelma dhe tani kur shkon e ngjitet në bjeshkë me Çim Pekën nga Hasi, apo inauguron rrugë të ndërtuara me investime private.

Ilir Meta akuzohej dikur për gjakdredhjen në Tropojë, nga Sali Berisha dhe PD, por më pas ai u përdor si shpëtimtar pas zgjedhjeve të vitit 2009, dhe gjaku, bëmat e gjëmat në Tropojë u shpërblyhen me ndarje pushteti në qeveri, që u pasua nga një tradhëti. Dhe sot i njëjti njeri sillet si “shpëtimtar”.

Agjenda e ditëve të fundit të Metës në Tropojë ka pasur pjesëmarrje në Festën e Gështenjës, pastaj inaugurimin e një rruge, investim privat dhe dy netë në Valbonë nën shoqërinë e verës së shtrenjte dhe miqve të ftuar nga Tirana.

Protesta kundër Metës në Tropojë, viti 2000

Por çfarë ndodhte me Ilir Metën 18 vjet të shkuara në Tropojë. Atëherë Ilir Meta kryeministër futi në axhenden e takimeve elektorale të zgjedhjeve lokale të 12 tetorit edhe një takim elektoral në Bajram Curri, ku në videon e mëposhtme nga miniuta e 15 e shikoni mesa “dashuri” dhe respekt e kanë pritur tropojanët, të cilët jo vetëm nuk e lanë të fliste dhe mitingu u prish, por e mbyllën në hotel dhe u fsheh si miu, kërkoi besë që të dilte dhe gati i dogjën makinën.

Ngjarjet u pasuan nga vrasja e Syl Lushës në nëntor të atij viti dhe në mbrëmje më pas u shoqërua në polici edhe Sali Berisha, në atë kohë kryetar i PD. Selia u rrethua me forca speciale, RENEA dhe FNSH, snajpera dhe maskat e policisë rrethuan ish selinë e PD, përballë qendrës Toptani sot.

U arrestuan me dhjetëra militantë që dilnin nga selia, rriheshin dhe dhunoheshin, “malokët e Saliut në burg e keni vendin” . Fjali që e dëgjuan dhjetëra zyrtare e militantë të PD-së. Ishin të njëjtat forca speciale që shoqëruan Ilir Metën në Tropojë, aty ku ai doli i lagur dhe pasi u kërkoi të nxirte inatin e tij të Skrapalliut me Tropojanin Berisha, njeriun që me një fishkëllimë i shkatërroi gjithçka kishte përgatitur për mintingun e Bajram Curiit.

Ka qënë fushata elektorale e vitit 2000, për zgjedhjet e 12 tetorit, ku kryeministri Meta pavarësisht nga këshillimet që mori nga këshilltarët e tij dhe drejtuesit e SHISH, vendosi që të bëntë pjesë të itinerarit të tij të fushatës elektorale, edhe qytetin e Bajram Currit.

Ilir Meta në Tropojë, viti 2000

Kryeministri Meta ka shkuar mesditën e 26 shtatorit të vitit 2000 në qytetin e Bajram Currit, i shoqëruar nga forca të shumta të policisë, të grupeve të gatshme, të Forcave të Armatosura, të FNSH dhe të RENEA. Ndërkohë ishte parashikuar që gjatë kohës që ai të ndodhej në qytetin e Bajram Currit do të mbante edhe një fjalim në një podium të improvizuar në sheshin kryesor të qytetit. Një miting, i cili ishte organizuar edhe nga dega lokale e PS.

Por, situata në qytetin e Bajram Currit atë ditë është acaruar që në orët e para të mëngjesit. Grupe mbështetësit të PD-së, të cilët janë grupuar për të pritur kryeministrin Meta dhe për shkak të situatës konfliktuale që mbizotëronte në vend në atë kohë, përplasjes së madhe midis opozitës së drejtuar nga Sali Berisha dhe mazhorancës së majtë që qeveriste vendin e drejtuar në atë kohë nga Meta, Tropoja ishte kthyer në një fushë përplasje apo shesh beteje mes përkrahësve të të dyja palëve. Dhe në të vërtetë ajo që prashikohej të ndodhte, ndodhi pikërisht në momentin kur ish-kryeministri Meta u ngjit në podiumin e improvizuar për të mbajtur fjalën e rastit.

Sapo ai ka filluar të flasë, qindra simpatizantë të PD-së, të mbështetur edhe nga banorë të qytetit të Bajram Currit, kanë filluar të brohorasin emrin e liderit të opozitës Sali Berisha, dhe të heroit të demokracisë, Azem Hajdari.

LEXO EDHE:  Revoltohet Rama/ "S’më bëni dot për budalla"
Protesta kundër Metës në Tropojë, viti 2000

Po ashtu gjatë kësaj kohe janë hedhur edhe parulla kundër kryeministrit Meta dhe qeverisjes së Majtë. Situata është dukur tepër e agravuar dhe tentativa e forcave të shumta policore për ta mbajtur nën kontroll mitingun ka qënë totalisht e pamundur.

Për fat të mirë, situata nuk ka përfundur në përdorimin e mjeteve të forta nga policia apo dhe armët e zjarrit pasi pasojat do të kishin qënë tepër të rënda.

Kryeministri Meta, i ndodhur para një gjendje krejt të papritur është përpjekur t’i qetësojë me batutat e tij që ju ka drejtuar pjesëmarrësve që ndodheshin në atë mitin, duke përfshirë edhe ata që kishin dalë të protestonin kundër tij.

Por, përpjekja e kryeministrit të asaj kohe nuk ka dhënë rezultat. Situata ka vazhduar të agravohet dhe në një moment, të gjithë drejtuesit e policisë të cilët kishin marrë përsipër mbarëvajtjen e këtij mitingu i kanë kërkuar kryeministrit që të largohej prej aty, pasi ata nuk mundeshin dot të siguronin vazhdimin e mitingut.

Kjo situatë është acaruar deri në pikën sa edhe lëvizja e kryeministrit është bërë në këmbë nga vendi ku mbahej mitingu, deri në Hotel Turizmi të qytetit, e cila ka qënë një distancë prej 300-400 metrash që kryeministri e ka përshkruar me këmbë, i rrethuar nga një eksortë e fuqishme e trupave të gardës dhe e forcave speciale, dhe gjatë gjithë kohës është shoqëruar nga brohoritjet dhe nga parullat kundër tij dhe kundër qeverisjes së majtë të asaj kohe.

Situata është dukur e rëndë për shkak se mjetet që e shoqëronin nuk janë tërheur dot nga drejtuesit e tyre, por kanë ngelur në mëshirën e protestuesve që kanë tentuar t’i përmbysin ato. Është krijuar një situatë e tillë sa dukej e vështirë mënyra sesi do të largohej Meta nga qyteti i Bajram Currit.

Meta në fjalën e tij është shprehur se “Dëshiroj sot që t’ju jap besën si shqiptari-shqiptarit, si malësori-malësorit, si burri-burrit, se do të jemi se bashku në përpjekjet tona për demokraci dhe prosperitet në të gjithë Shqipërinë edhe këtu në Tropojë. Jam këtu, jo për tju përcarë ju, jo për tju ndarë juve, por për tju bashkuar, prandaj ju falenderoj edhe një herë tjetër për gjithcka që ju keni bërë për demokracinë në gjithë këto vite.

Por, do tju them se demokracia këtu….” , por këtu fjala e tij ndërpritet në mes nga turma.

Kjo është ngjarja që ka ndodhur 18 vjet më parë, por sot Ilir Meta nuk është më ish-kryeministri që vidhte thesarin, vidhte e gjakoste duart me demokratët, por edhe presidenti mbi palët që me “qetësi dhe dashuri” mbajti Besën,  iku nga PD, mbështeti doktorin në qeveri, u kap duke vjedhur me bllok në dorë, shkoi tek Rama që më pas e bëri kryetar Kuvendi dhe President që të kalojë ditë të paqme në Valbonë e Bajram Curri për të trembur ëndrrat e këqija të 18 viteve më parë./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Bëhuni gati për fundin e BE-së që njohim 

LEXO EDHE:  Foto-“Është zgjuar nervoz sot”/ Meta, tjetër mesazh të koduar?

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Takimi Meta-Ruçi/ Zbardhet biseda

LEXO EDHE:  Revoltohet Rama/ "S’më bëni dot për budalla"

 

LEXO TE PLOTE
Lajme të Rekomanduara: