web counter
LEXO PA REKLAMA!

SHKARKO APP

App Store
Google Play

Koncesioni në aeroportin e Rinasit/ Zgjidhet kompania audituese

15 Tetor 2018, 15:33, Aktualitet CNA

Kompania audituese BDO Albania është përzgjedhur nga Autoriteti i Aviacionit Civil, për të bërë vlerësimin e pavarur ekonomik të koncesionit në Aeroportin e Rinasit.

Sipas drejtorit të Aviacionit Civil, Krislen Keri, vlerësimi do të jetë për 40 dite dhe priten rezultate pozitive, raporton TCH.

Në kontratën koncesionare të Rinasit, ka një hapësirë ligjore që u jep të drejtë si qeverisë dhe kompanisë, që nëse treguesit financiar kanë devijime, të kërkojnë balancim.

?Do bëhet krahasimi i rezultateve financiare të aeroportit me skenarin bazë, pra studimin e fizibilitetit me të cilin është marrë koncesioni në vitin 2004?, shprehet Krislen keri.

Kompania audituese do të krahasojë edhe nivelin e tarifave me aeroprtet e rajonit, si dhe përmbushjen e detyrimeve nga të dyja palët.

Më tej Keri ka shtuar ,se në fund do të përgatitet një projekt-raport, i cili do ti dërgohet dy ministrave përkatës për të marrë vendimin e vendosjes ose rivendosjes së një balance në rast se do të ketë disbalancë.

Në rast se edhe nga vlerësimi i pavarur do të ketë devijime të treguesve ekonomikë, të dyja palëve i lind e drejta për të kërkuar masa balancuese, të cilat janë kohëzgjatja e koncesionit, rishikimi i tarifave, ose kompensim me para në dorë. /CNA.al





Lajmet e fundit nga