web counter
LEXO PA REKLAMA!

SHKARKO APP

App Store
Google Play

SHKB kontrolle nëpër burgje/ Sekuestrohen telefona celularë dhe kanabis

14 Tetor 2018, 14:05, Aktualitet CNA

Shërbimi për Kontrollin e Brendshëm ka zhvilluar më datë 12 tetor kontrolle nëpër burgjet e vendit, pas informacioneve se brenda qelive ishin futur sende të palejuara.

Në bazë të kontrolleve, në burgun e Peqinit u sekuestruan 3 doza me lëndë narkotike kanabis sativa, në qelinë e A.D.

Ndërkohë në burgun e Vaqarit, u sekuestruan dy telefona celularë, të cilët i përkisnin D.R dhe S.K.

Njoftimi i plotë

Në kuadër të forcimit të sigurisë së brendshme në burgje dhe evidentimit e kapjes së sendeve të ndaluara Shërbimi i Kontrollit të Brendshëm në sistemin e burgjeve ka kryer në datë 12 tetor 2018 disa kontrolle në IEVP të ndryshme.

Bazuar në informacionet e mbledhura në rrugë operative SHKBB ka organizuar një kontroll në IEVP Peqin në dhomën e të dënuarit A.D. Për të kishte informacione se mbante dhe shpërndante lëndë narkotike. Nga kontrolli u arrit të kapeshin 3 doza lëndë narkotike, kanabis sativa.

Nga SHKBB po vijon puna hetimore për zbardhjen e përgjegjësisë ligjore të trupës së shërbimit të IEVP Peqin lidhur me këtë rast.

Një tjetër kontroll është kryer në IEVP Vaqar, pas informacioneve se të paraburgosurit D.R. dhe S.K. mbanin një telefon celular. Nga kontrolli i dhomës së tyre u konstatua i fshehur në njërin nga krevatet një aparat celular model iPhone.

I paraburgosuri S.K., i cili ishte dhe prezent gjatë kontrollit pranoi autorësinë e këtij celulari.

Shërbimi i Kontrollit të Brendshëm në Burgje do të intensifikojë punën operative për zbulimin dhe kapjen e sendeve të ndalara në burgje në funksion të forcimit të sigurisë së brendshme në këto institucione. /CNA.al





Lajmet e fundit nga