web counter
LEXO PA REKLAMA!

SHKARKO APP

App Store
Google Play

E fundit!

x

“Babale” dhe “Xhisiela”/ Heronjtë e humbur të Bashës

14 Tetor 2018, 08:30, Aktualitet CNA

Dy nga tezat, apo thënë ndryshe kauzat politike mbi të cilat është ndërtuar opozitarizmi i Lulzim Bashës gjatë këtij viti janë çështja ?Babale? dhe rasti i Xhisiela Malokut, e cila pretendohet se është rrahur dhe përdhunuar nga djali i deputetit socialist Rrahman Rraja.

Të dyja këto çështje, Basha i ka servirur në opinion si kauza kombëtare gjatë këtij viti.

Në lidhje me rastin e Xhisiela Malokut, atë e blenë apo e shitën kjo nuk ka rëndësi, por çështja është se tek ?Xhisiela?, PD nuk kishte pse të shkonte tek gënjeshtra apo ta frynte duke përmendur emrin e Taulant Ballës, Artur Bushit etj ,

Kauza ishte, dhe nuk kishte pse të fryhej. Mund të qëndronte kauza tek Xhisiela dhe mjaftonte fakti që i biri i deputetit nuk ishte arrestuar dhe pastaj mund të kërkohej koka e deputetit në parlament. Kjo do të ishte kauza e drejtë, por duke e fryrë, pa dashur Luli ka hedhur në erë një kauzë të drejtë.

E njëjta situatë është edhe me ?Babalen?. Ndërkohë që ne në CNA.al e kemi përsëritur dhjetëra herë, sepse kauza nisi e drejtë, me dokumentet, e shpalosur nga Gazmend Bardhi dhe Enkelejd Alibeaj dhe deri aty, ishte në rregull gjithçka.

Bardhi dhe Alibeaj sollën dokumentet dhe provat të cilat tregonin se Agron Xhafaj, vëllai i ministrit të Brendshëm, Fatmir Xhafaj, ishte dënuar me 7,2 vite burg në Itali për trafik ndërkombëtar droge dhe ndërkohë jetonte i lirë në Shqipëri, madje merrej edhe me aktivitet biznesi.

Deri këtu kauza ishte e drejtë dhe mjaftonte që minimum Fatmir Xhafaj të jepte dorëheqjen për arsye morale.

Por, çfarë ndodhi më tej?

Pastaj u hodh shashka e ?Babales?  dhe fitimet e opozitës janë zero. Nga të gjitha sondazhet nuk rezulton të ketë një ngritje në opinionin publik, përkundrazi, Basha vetë personalisht ka një rënie. Në të gjitha truket e tij politike apo të këshilltarëve që ka nga pas, ka vetëm rënie në opinionin publik.

Viti i ?Babales? dhe ?Xhisielës? do të jetë viti i dështimit vetëm për shkak të sjelljes së gabuar, të ndërtuarit në mënyrë të gabuar të kauzave. Edhe kur kauzat kanë qenë thelbësore dhe të forta janë shkatërruar me sharlatanizma për shkak të inateve apo dëshirës për të goditur një personazh të caktuar apo një emër tjetër dhe kjo i ka bërë më të pabesueshme.

Nuk i mjaftonte koka e deputetit? Nuk i mjaftonte kauza e djalit që nuk u arrestua?  Nuk i mjaftonte fakti që Agron Xhafaj ishte i dënuar dhe nuk ju dorëzohej autoriteteve italiane sepse kishte ndryshuar emër?

Këto të dyja do të kishin mbyllur gjithçka dhe nuk do ta çonin Bashën në aventurë dhe në debate qesharake në studiot televizive, i cili e ka kthyer opozitën në shkatërrimtare të kauzave të saj.

Ky është problemi thelbësor i Lulzim Bashës si kryetar i PD. Një qeveri që ka çdo ditë skandale, PD-ja mund ta kishte shkërmoqur, por opinioni publik dhe populli nuk beson më dhe nuk e ndjek nga pas sepse kauzat që ngre, Lulzim Basha i shkatërron. A thua se Edi Rama e paguan vetëm që të shkatërrohen kauzat kundër tij./ CNA.al





Lajmet e fundit nga