web counter
LEXO PA REKLAMA!

SHKARKO APP

App Store
Google Play

E fundit!

x

Rasti i Xhisiela Malokut dhe audio-përgjimi "Babale"/ Flet Elvi Fundo

13 Tetor 2018, 16:25, Aktualitet CNA

Gazetari Elvi Fundo ka komentuar ngjarjet e fundit që kanë trazuar politikën shqiptare, rastin e Xhisiela Malokut dhe audiopërgjimin ?Babale?

Sipas Fundos, të dyja këto kauza të PD-së, janë shuar nga kreu i kësaj force politike, Lulzim Basha.

Fundo ka shtuar se në rastin e Agron Xhafajt, Ministri i Brendshëm , Fatmir Xhafaj, duhet të kishte dhënë dorëheqjen.

Ndërkohë përsa i përket Xhisiela Malokut, gazetari është shprehur se ky rast u fsheh nga policia.

Më tej Fundo ka thënë se përfshirja për inate personale e Taulant Ballës në këtë çështje, shkatërroi kauzën.

“Në rastin e Agron Xhafajt, me publikimin e dokumenteve nga Alibeaj dhe Bardhi, Xhafaj duhet të kishte dhënë dorëheqjen. PD duhet të vazhdonte të kërkonte dorëheqjen e ministrit në parlament. Gjetën disa njerëz ordinerë, me problematike dhe ua hodhën shqiptarëve. Nëse ti i merr ata të llumit dhe i fut në politikë, ata kthehen në bumerang. Këtë kauzë e shkatërroi një deputet qesharak si Ervin Salianji. Rasti i Xhisiela Malokut është një rast i mbuluar nga policia e shtetit. Është dhunuar nga djali i deputetit,  i kanë refuzuar 3 herë denoncimin. PD filloi sërish me skenare, jo deputeti i Krujës jo Taulant Balla, që e kanë kthyer në tabelë qitje. Më duket se ka një marrëveshje Rama-Basha. Sa herë ngrihet opinioni publik, i prishin kauzat, i hedhin ujë zjarrit në vend që ti hedhin benzinë. Lulzim basha është aventurier në kauzat e tij. Lulzim Basha është zjarrëfikësi i Edi Ramës, është njeriu që fik kauzat e opozitës, kjo për ti thënë Ramës hajde të bashkëpunojmë”, tha Fundo.  /CNA.al





Lajmet e fundit nga