web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e fortë e deputetes gjermane/ Shqipëria nuk meriton të hyjë në BE

20 Shtator 2018, 14:58, Aktualitet CNA

Kryetarja e Forumit të Grave të PPE dhe njëkohësisht deputete në parlamnetin gjerman, Doris Pack, vizitoi sot Shkodrën duke vënë në dukje situatën e rëndë të kriminalitetit.

Në këtë vizitë ajo u shoqërua nga deputetja demokrate Albana Vokshi

Gjatë vizitës së saj Pack zhvilloi takime me kryetaren e Bashkisë së Shkodrës Voltana Ademi dhe Arqipeshkvin Massafra.

Pack shprehu habinë për numrin e lartë të vrasjeve në Shkodër, për një vend si Shqipëria, e cila është në rrugën për të nisur negociatat me BE-në.

Ndër të tjera ajo tha se qeverisë i mungon vullnetin për të çuar në burg kriminelët, prandaj Shqipëria nuk meriton të hyjë në BE.

Fjala e potë

Jam këtu sepse më pëlqen Shkodra, dhe e mbaj mend kur isha herën e fundit, kur kisha fatin të hapja këtë muze nga koha e mizorive të Enver Hoxhës.

Kam përshtypje shumë të mira për qytetin dhe jetën këtu.

Por kam gjithashtu përshtypjen se shumë gjëra kanë ndryshuar,  pasi Shkodra është në qendër të vëmendjes së shumë kriminelëve, siç është mafia.

Jam e shokuar.

Nëse janë 6 vrasje, 2 rrëmbime, nuk mund ta imagjinoj se kjo ndodh në një vend, i cili është në rrugën për të nisur negociatat me BE-në.

Kjo më xhindos dhe nuk mund ta kuptoj se qeveria e këtij vendi nuk është ende gati t?ju ndihmojë.

Nuk është vetëm Shkodra, është gjithashtu edhe Vlora dhe qytete të tjera.

Ka shumë vrasje nëpërmjet mënyrave mafioze.

Mendoj se për sa kohë qeveria nuk ka vullnetin të ndërhyjë dhe të ndihmojë institucionet në qytete t?i dërgojë këta kriminelë përpara gjykatës e më pas në burg, mendoj se ky vend nuk meriton të hyjë në BE.

Unë dua që Shqipëria të bëhet anëtare e Bashkimit Europian. E dua me zemër, sepse i dua qytetet e saj, i dua shqiptarët, dhe nuk mund ta kuptoj se si ministritë të cilët janë përfshirë pranë këtyre njerëzve, të cilët po kryejnë këto vepra, nuk distancohen.

Unë flas hapur, sepse, po nuk fole hapur në bazë të fakteve njerëzit asnjëherë  nuk do të të besojnë.

I kërkoj qeverisë që, së paku, të kuptojë se nëse qeveria nuk kujdeset për sigurinë e qytetarëve të saj kjo nuk është rruga e duhur.

Apeloj të bëhet diçka dhe shpresoj që, së paku, dikush që nuk është i përfshirë në politikë këtu, ose ka mbaruar mandatin (ka dalë në pension) nga Parlamenti Europian, por ende është i interesuar për të mirën e qytetarëve, jo për të mirën e politikanëve, do të ndihmonte të hapte sytë e disa politikanëve, sepse jo të gjithë janë të përfshirë, disa prej tyre duhet të kenë ndjesinë për pasigurinë e qytetarëve e për t?i ndihmuar ata, sepse këta qytetarë kanë fëmijë dhe nëse këta fëmijë nuk kanë punë, siguri dhe jetën e tyre këtu në vendin e tyre, ikin.

Shqiptarët ikin jo sepse urrejnë vendin e tyre, por nuk kanë zgjedhje tjetër. Sepse ata nuk kanë punë, ata punojnë në fushat me kanabis dhe këtë ata nuk e duan.

Ju lutem, kuptoni jam këtu sepse jam vërtetë e shokuar nga kjo situatë dhe dua të bëj një thirrje zgjimi për të gjithë ata që i duan këta njerëz, po aq sa i dua unë. /CNA.al





Lajmet e fundit nga