Kryebashkiaku përfshihet në skandal/ Fundoset Erion Veliaj?

19 Shtator 2018, 09:36, Aktualitet CNA

Me anë të deklarate për mediat deputeti i Partisë Demokratike Klevis Balliu bën publike kallëzimin që ka bërë në Prokurori ndaj kryebashkiakut të Tiranës, Erion Veliaj.

Balliu tregoi se sa ishte kthyer nga prokuroria ku ka bërë kallëzimin ndaj Veliaj për shpërdorim detyre dhe për abuzim me tendera në favor të kompanisë “Fusha Shpk”.

“2.6 milonë euro për blerjen e 400 pishave. Veliaj ka pranuar që një pishë ta shiste për 6 mijë e 500 euro. Ligji përcakton garë transparente, por kur bëhet fjalë për ?Fushën?, për Maliqin e Bashkisë së Tiranës ligji shkelet dhe gara eliminohet. Kryebashkiaku mund të kishte ndërtuar një shkolle me ambiente më të mira, me pajisje të kohës, laboratorë dhe palestër. Në prokurori kam paraqitur foto të prerjes dhe tharjes së pishave të cilat kanë kushtuar miliona euro. Në më pak se 3 vjet i ka dhënë më shumë se 35 milionë euro kompanisë ?Fusha sh.p.k? shprehet Balliu.

Deklarata e plotë:

Tani po kthehem nga Prokuroria ku dorëzova kallëzimin penal kundër Kryetarit të Bashkisë Erion Veliaj për shpërdorim detyre dhe shkelje të barazisë në tendera.

Erion Veliaj ka shkelur ligjin në mënyrë flagrante për t?i dhënë miliona euro të tjera kompanisë ?Fusha?, të njëjtës kompani që zgjodhën për të vjedhur tek Sheshi Skenderbej, të njëjtës kompani që po përdorin për të grabitur tokën e Teatrit Kombëtar për të ndërtuar kullat me paratë e drogës dhe korrupsionit.

Në kundërshtim të plotë me ligjin e prokurimeve, Erion Veliaj i ka dhënë kompanisë ?Fusha? 2.6 milion euro për blerjen e 400 pishave. Ligji përcakton garë transparente, por kur bëhet fjalë për ?Fushën?, për Maliqin e Bashkisë së Tiranës ligji shkelet dhe gara eliminohet.

Për t?i dhënë ?Fushës? 2.6 milionë euro, Erion Veliaj ka pranuar që një pishë të blihet me një vlerë marramendëse 6 500 euro copa.

Me 2.6 milionë euro Erion Veliaj mund të kishte ndërtuar një shkollë të standarteve më të mira, me pajisje të kohës, laboratorë dhe palestër, por ai zgjodhi të blejë pisha, disa prej të cilave janë tharë, të tjera janë prerë nga vete bashkia, edhe pse kanë kushtuar 6 500 euro copa.

Në prokurori kam paraqitur prova filmike dhe disa fotografi që tregojnë prerjen dhe tharjen e pishave, njësoj si palmat. Kundrejt kësaj situate, Erion Veliaj ka mbyllur sytë dhe Bashkia nuk ka marrë asnjë masë ndaj ?Fushës?.

Në më pak se 3 vjet, Erion Veliaj i ka dhënë rreth 25 milionë euro kompanisë ?Fusha?, gjysmën e të cilave pa garë.

Partia Demokratike ka treguar më herët se pronari i kompanisë Fusha, Shkëlqim Fusha, është familjar i afërt me Petrit Fushën që, deri dje, drejtonte Prokurorinë e Tiranës, dhe mbylli dosjen e Ardit Gjoklaj, ku Bashkia kishte përgjegjësi penale. Pas kësaj, Edi Rama dhe Erion Veliaj i dhanë Shkëlqim Fushës ndërtimin e sheshit Skënderbej dhe parkingut privat atje.

Dhe sa para duhet të paguajnë qytetarët e Tiranës që Veliaj të lajë borxhin me Fushajt në kurriz të drejtësisë për Arditin dhe duke vjedhur shqiptarët?!

I bëj thirrje Prokurores së Përgjithshme të Përkohshme, të mos pengojë hetimin për Kryetarin e Bashkisë së Tiranës për aferën korruptive të 2.6 milionë euro për pishat e thara e të prera. Erion Veliaj duhet të përfundojë në burg përpara se vetingu të pastrojë zyrën e kryetarit të Bashkisë nga kryehajduti i Tiranës! /CNA.al