web counter
LEXO PA REKLAMA!

SHKARKO APP

App Store
Google Play

E fundit!

x

Biznesi i mirë i Salmonit/ Abuzimi në tregjet e pakicës, çmimi 6 herë më i lartë se referenca  

12 Shtator 2018, 06:14, Aktualitet CNA

Lloji i peshkut salmon është një ndër produktet ushqimore me vlerën më të lartë të shtuar nga importi deri në tregun e pakicës.
Nga të dhënat e doganave çmimet referencë të Salmonit janë edhe më të ulta se disa lloje të tjerë mishrash, teksa çmimi në tregjet e pakicës gati 7-fishohet në raport me referencën që përdoret për zhdoganim.
Sipas listës zyrtare të referencës një kilogram salmon i freskët zhdoganohet me një çmim 3.0-3.2 euro për kilogram, teksa një njësi e tillë në tregjet e pakicës shitet me 17.5 euro.
Ndërsa Salmoni i ngrirë ka çmim edhe më të ulët 2.1-2.3 eurosh për kilogram.

Nga ana tjetër mishi i gjedhit që importohet nga BE ka një reference 4.5 euro për kilogram dhe nëse vjen nga vendet jo BE ka referencë 4.3 euro për kilogramë, por vlera e shtuar në tregjet e pakicës është me e ulët pasi një kilogram mish gjedhi nuk shitet me shumë se 7 euro për kilogram.

Salmoni është një lloj peshku që nuk mund të rritet në kushtet e rezervatit për shkak të ciklit të jetës të veçante që e ka të kombinuar me lumin dhe detin. Për këtë veçori por edhe të përqendrimit të lartë të Omega 3 Salmoni cilësohet ?mbreti? i peshqve dhe me një kërkesë në rritje për konsum. Por veçantitë e rritjes së tij po i bëjnë gjithnjë e më të rrezikuara kolonitë e salmonit.

Në Shqipëri ky lloj peshku konsiderohet si ushqim luksi dhe konsumohet nga një shtresë e kufizuar. Por përtej shijes së mirë dhe vlerave të larta ushqimore Salmoni ka vlerën më të lartë të shtuar në treg nga importi tek konsumatori dhe për këtë qëllim shihet të jetë një biznes i mirë në krahasim me kategoritë tjera të mishit dhe peshkut qe vijnë nga importi./ Monitor





Lajmet e fundit nga