E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm Besfort Lamallari ka zbarkuar në Drej...

Rama me dy standarte/ Kush është deputeti që e shan dhe nuk e përjashton

7 Shtator 2018, 18:51, Aktualitet CNA

Kryeministri Edi Rama gjatë ditës së sotme, pasi volli vrer për deputetin e Partisë Socialiste në Lezhë, Gjetan Gjetani, të cilin e shkarkoi atë nga detyra.

E gjitha kjo ndodhi, pasi Gjetani, ditën e djeshme nëpërmjet një postimi në rrjetet sociale reagoi për ngjarjet kriminale dhe paralajmëroi për protesta nëse ministri i Brendshëm Xhafaj nuk ju përgjigjet shqetësimeve të qytetarëve.

Por Gjetani nuk është i vetmi deputet nga radhët e PS-së, i cili është shprehur kundër mënyrës se si po qeveris Rama.

Këtu e kemi fjalën Pjerin Ndreun, e cili ishte deputeti i dytë në listë për Qarkun e Lezhës gjatë zgjedhjeve të vitit 2017.

Ndreu ka sulmuar ashpër OSHEE-në në postimet e tij, të datës 1 gusht dhe 25 gusht.

Ndreu shkruan se të lësh zonën e Tales në pikun e sezonit turistik katër orë pa drita është tallje dhe paaftësi nga ana e OSHEE-së.

Ai ka kërkuar ndërhyrjen e plotë për zgjidhjen e situatës në postimin e datës një gusht.

Ndërsa në statusin e datës 25 gusht Ndreu ka shkruar se OSHEE vazhdon me politikat diskriminuese në zonën e Lezhës si dhe në këtë postim ai i ka cilësuar drejtuesit e OSHEE-së të paaftë dhe mish mash.

E gjitha kjo tregon dhe fakton vetëm një gjë, se kryeministri Rama ka dy standarte.

Nga njëra anë qëndron Gjetan Gjetani i cili u shkarkua sepse shkroi dhe kërkoi që në zonën që drejtohej nga ai të sigurohej rendi, por kjo gjë prek ministrin e Brendshëm, Fatmir Xhafaj.

Kurse nga ana tjetër është Pjerin Ndreu i cili ka lëshuar akuza kundër OSHEE-së, një institucioni që është po nën drejtimin e Ramës.

Të dy janë deputetë të qarkut Lezhë, por Rama shkarkoi atë që foli kundër Xhafajt, ndërsa ai që foli për mungesën e dritave vazhdon të mbajë postin e deputetit.

Në përfundim mund të thuhet se kjo fakton hapur se Rama punon me dy standarte dhe ka vërtetuar atë fjalën e urtë shqiptare që thotë “ca i kemi të nënës e ca të njerkës”./ CNA.al

Postimet e Pjerin Ndreut: