web counter
LEXO PA REKLAMA!

SHKARKO APP

App Store
Google Play

E fundit!

x

Veseli fajëson opozitën për inskenim të ndarjes së Kosovës

31 Gusht 2018, 12:26, Aktualitet CNA

Kryetari i PDK-së, Kadri Veseli, ka fajësuar opozitën për inskenim të ndarjes së Kosovës përmes thirrjes së seancës së jashtëzakonshme.

Nga selia e partisë që drejton, Veseli ka thënë se ngritja e temës së ndarjes do ta dëmtojë Kosovën, derisa nuk ka përmendur që idetë për ridizajnim të kufijve dhe shkëmbim të territoreve vjen nga dikur kreu i PDK-së, presidenti Hashim Thaçi.

?Thirrja e seancës është dëmi më i madh që i shkaktohet Kosovës. Është inskenim i lojës për ndarje. PDK-ja konsideron se ngritja e kësaj teme do ta dëmtojë Kosovën në procesin e dialogut, duke krijuar argumente në favor të eksponentëve që dëshirojnë ndarjen e Kosovës?, ka thënë Veseli, transmeton Koha.net.

?Shteti i Kosovës, sovraniteti dhe integriteti i saj do të jetë i pacenueshëm. Seancat e jashtëzakonshme për temën e ndarjes krijojnë pasiguri te qytetarët?, ka thënë Veseli që ka shtuar se PDK-ja do të jetë në seancën e jashtëzakonshme të thirrur nga opozita.

Veseli ka thënë se shqiptarët e Luginës së Preshevës janë pjesa më e diskriminuar e kombit shqiptar, por gjatë kësaj konference nuk ka përmendur nëse kjo pjesë do t?i bashkohet Kosovës.

Gjatë kësaj konference, kryetari i PDK-së, ka folur edhe për Asociacionin e komunave me shumicë serbe, për të cilin ka thënë se nuk do të ketë kompetenca ekzekutive..





Lajmet e fundit nga