E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Masakra me tetë të vrarë/ Shokon Rama, numëron viktimat për statistikë

30 Gusht 2018, 09:44, Aktualitet CNA

Një masakër me tetë vrarë, ndërmjet tyre dy fëmijë është regjistruar pasditen e 10 gushtit 2018, në fshatin Resulaj të Selenicës në Vlorë.

Ritvan Zykaj, 24 vjeç me gjakftohtësi, derdhi breshëri plumbash mbi kushërinjtë e tij, pa iu dridhur dora, madje makabritetin edhe e filmoi.

Dy nga viktimat ishin fëmijë të moshës 17 dhe 8-vjeç si dhe tre gra.

Viktimat u identifikuan si Demir Zykaj, Besim Zykaj, Azem Zykaj, Perri Zykaj, Vasilika Zykaj, Afërdita Zykaj, Sara Zykaj (17 vjeçe) dhe Ledion Zykaj (8 vjeç).

Ekzekutimi i dy familjeve erdhi pas një sherri banal me familjen e autorit.

Autori Ritvan Zykaj, nuk doli nga hiçi me armë në duar për të kryer më pas krimina makabër. Ai dhe herë të tjera kishte qëlluar me armë në fshatin ku jetonte, por askush nuk kishte reaguar.

Policia kishte qenë inekzistente, po ashtu edhe banorët dhe pasojat ishin tetë të vdekur brenda pak minutash.

Sot e kësaj ditë askush nuk ka dhënë përgjegjësi, pavarësisht dështimit të policisë për parandalimin e rasteve të tilla.

Ngjarja ishte tejet e rëndë, por për Ministrin e Brendshëm e Fatmir Xhafaj dhe Kryeministrin Edi Rama, ishte një ngjarje normale.

?Pasioni? për kufomat i kësaj dysheje, shkon më tej nuk ndalet këtu.

Ende nuk është tharë gjaku i dy fëmijëve, Sarës 17 vjeçe , iLedionit 8 vjeçar, i prindërve dhe të afërmëve të tyre, dhe kryeministri Edi Rama i ka ?vrarë? përsëri.

Për Ramën, dy familjet e masakruara nga 24 vjeçari nuk kanë qenë gjë tjetër veç numra që iu kanë përkeqësuar imazhin.

Duke i fajësuar edhe të vdekur kryeministri ka shokuar dje nga Shëngjini, kur ka deklaruar se u bënë shkak ata të tetë që të rritet numri i vrasjeve.

?Për sa i përket sigurisë, kemi sezonin turistik me shifrat më pozitive. Në rast se nuk do të kishim atë tragjedinë e Vlorës, ku patëm 8 të vrarë, në një masakër haluçinante, do të kishim numrin më të ulët me diferencë të vrasjeve në këtë periudhë. Pa llogaritur faktin që kemi qenë efektivë me këto krimet e vogla?, është shprehur kryeministri Edi Rama./CNA.al