web counter
LEXO PA REKLAMA!

SHKARKO APP

App Store
Google Play

E fundit!

x

Audio-regjistrimi/ Zbulohet kush e urdhëroi shantazhin ndaj gjyqtarit

29 Gusht 2018, 10:42, Aktualitet CNA

Partia Demokratike ka vijuar sot sërish akuzat ndaj Kryeministrit Edi Rama, nënkryetarit të KQZ ?së, Denar Biba dhe zyrtarit socialist Ëngjëll Agaçi në lidhje me audio-regjistrimin, ku protagonist është gjyqtari shqiptar i Strasburgut Ledi Bianku.

Ish-ministri i Drejtësisë, Gazment Bardhi, ka thënë se pa këtij shantazhi fshihet kryeministri Edi Rama.

Sipas Bardhit më urdhër të Ramës, është bërë shantazh ndaj gjyqtarit Bianku  si dhe është kërcënuar në mënyrë mafioze.

?Mundësia për të bërë pazar me qeverinë nuk do të vijë më në jetë. Ky është thelbi i kërcënimit mafioz të Edi Ramës ndaj gjyqtarit. Ledi Bianku e ka raportuar shantazhin tek eprorët në Strasburg. Bianku ka pranuar se është shantazhuar. Audio-regjistrimi është prova më diskretituese për Edi Ramën ,i cili me mënyrë mafioze u heq të drejtën pronarëve për t?u gjykuar nga Strasburgu dhe për të fituar pronat?, ka thënë Bardhi.

Deklarata e plotë e Bardhit: 

Audio regjistrimi i publikuar dje në media, ku, në emër të Edi Ramës, nënkryetari i KQZ Denar Biba, shantazhon anëtarin e Gjykatës së Strasburgut, Ledi Bianku, u provoi shqiptarëve se qeverisen nga një kryeministër armik i të drejtave themelore të njeriut dhe që e drejton vendin si një organizatë mafioze.

Në materialin audio kërcënimi është i qartë: ?Nëse nuk zbaton porosinë e Edi Ramës, pas përfundimit të mandatit do të mbetesh pa punë. Sakrifica për të zbatuar me korrektësi ligjin nuk do të shërbejë për asgjë. Ky tren- pra mundësia e për të bërë pazar me Qeverinë-nuk do të  vijë më në jetë?.- është thelbi i kërcënimeve mafioze të të dërguarit të Edi Ramës për gjyqtarin e Strasburgut.

Edi Rama, Sekretari i tij i Përgjithshëm Engjëll Agaçi, nënkryetari i KQZ, Denar Biba mund të përdorin të gjithë pushtetin për të mbyllur çështjen, por ata nuk mund të ndryshojnë dot një fakt: se gjyqtari Ledi Bianku e ka raportuar shantazhin tek eprorët në Gjykatën e Strasburgut.

Media që zbuloi skandalin ka kontaktuar gjyqtarin shqiptar në Strasburg Ledi Bianku dhe ai ka konfirmuar jo vetëm takimin me Denar Bibën, por edhe përmbajtjen e bisedës në regjistrimin audio.

Gjithashtu, gjyqtari shqiptar në Strasburg ka konfirmuar se në përputhje me detyrimet e tij etike dhe ligjore, pas takimit me Denar Bibën, ka informuar

Kryetarin e atëhershëm të Gjykatës së Strasburgut, duke e cilësuar mesazhin e të dërguarit të qeverisë si ndikim të papërshtatshëm.

Mjafton ky pohim për të kuptuar përpjekjen qesharake të sekserit të Edi Ramës dhe Engjëll Agaçit për t?u thonë shqiptarëve se nuk është ashtu siç duket, se shantazhi nuk është shantazh, por miqësi e vjetër.

Çfarëdo të bëjë Edi Rama me Engjëll Agaçin, është fakt i pandryshueshëm se të ashtuquajturën ?bisedë miqësore? të Denar Bibës, gjyqtari shqiptar në Strasburg e raportoi pranë Kryetarit të Gjykatës së Strasburgut si ndërhyrje të paligjshme në punën e tij. Një ndërhyrje e tillë synonte ndihmë për qeverinë kundër interesave të pronarëve shqiptarë.

Audio regjistrimi është prova më diskredituese për Edi Ramën se, pasi u hoqi shqiptarëve të drejtën për t?u ankuar me nxjerrjen jashtë funksionit të Gjykatës Kushtetuese dhe Gjykatës së Lartë, me mënyra mafioze, po u heq të drejtën pronarëve për t?u gjykuar nga Gjykata Europiane e të Drejtave të Njeriut dhe për të rifituar pronën e grabitur nga qeveria.

Heshtja e Edi Ramës ndaj këtij akti kriminal është pohim i asaj që beson sot shumica e shqiptarëve se ai është urdhëruesi i aktit mafioz për shantazhimin e gjyqtarit në Strasburg dhe se kërcënimi, kapja politike, blerja e korruptimi është modeli i drejtësisë së re që po instalon Edi Rama./CNA.al





Lajmet e fundit nga