web counter
LEXO PA REKLAMA!

SHKARKO APP

App Store
Google Play

E fundit!

x

Ethet e Vettingut/ Të afërmit i “presin” kokën prokurorit të Krimeve të Rënda?

27 Gusht 2018, 11:57, Aktualitet CNA

Procesi i Vettingut pritet të startojë së shpejti dhe krahas këtij procesi CNA.al, do të vijojë me publikimin e pasurive të njerëzve të drejtësisë.

Janë deklaratat e pasurisë që ata vetë kanë depozituar pranë ILDKPKI-së, që në disa raste, për hir të së vërtetës janë shokuese, referuar pasurisë që ata kanë.

Në fokus këtë radhë do të jetë prokurori i Krimeve të Rënda Arenc Çela.

Kujtojmë se vetëm para kohësh, kryeprokurorja e komanduar e Përgjithshme e përkohshme Arta Marku, e ka larguar prokurorin Çela nga sektori i Korrupsionit dhe Hetimit Pasuror, duke e zëvendësuar me prokurorin Gentian Osmani.

Emri i prokurorit Arenc Çela, është lakuar në lidhje me të afërmit e tij dhe në fakt shpesh është shenjëstruar për këtë gjë, edhe pse ai nuk ka asnjë përgjegjësi për veprimet e të afërmëve të tij.

Maksim Çela, xhaxhai i prokurorit, është   akuzuar më herët,  për vrasjen e efektivit të policisë Kledi Bano në Lushnjë dhe vendosjen e një sasie tritoli në shkallët e stadiumit ?Roza Haxhiu?.

Për dënimin e Maksim Çelës, Prokurorët e Krimeve të Rënda kanë përdorur dëshminë e të penduarit Petrit Liçi, i cili ka përfituar në atë kohë nga kjo prokurori statusin e bashkëpunëtorit të drejtësisë, duke u mbajtur në ruajtje.

Gjithashtu prokurori Çela është shenjëstruar edhe për shkak të kunatit të tij.

Çela është dhe kunati i shtetasit Dardan Ahmeti, shtetas ky që në muajin maj të 2014 ka shkuar me automjetin e tij, në Rinas ku së bashku me Sajmir Bajramin kanë pritur pilotin italian Giorgio Riformato.

Ahmeti fillimisht është dyshuar nga prokuroria si pjesëmarrës në trafikun e drogës me avion nga plazhi i Divjakës në drejtim të Italisë.

Por pas verifikimeve të kryera, prokuroria e ka përjashtuar atë nga dyshimet si i implikuar në këtë çështje, duke e përdorur kunatin e prokurorit Çela si dëshmitar në sallën e gjyqit, ku po gjykoheshin të pandehurit e tjerë të dosjes ?Divjaka?.

Pavarësisht se çfarë ka ndodhur është absurditet të fajësosh dikë për veprimet e të tjerëve, pavarësisht lidhjeve që ka me të. Nëse do të shkohej në këtë linjë Ministri i Brendshëm Fatmir Xhafaj tashmë duhej të ishte shkarkuar për shkak të vëllait.

Prokurori Arenc Çela, është dekretuar në 18 shkurt të 2016-ës nga presidenti Nishani, për të qenë pjesë e strukturës antikorrupsion pranë Prokurorisë së Krimeve të Rënda. Ndërkohë mësohet se ai ishte projektuar për të marë drejtimin e kësaj njësie, pranë Krimeve të Rënda.

Sa i përket aspektit pasurior, prokurori Arenc Çela rezulton i varfër.

Pasuria e deklaruar prej tij, me 27.03.2017

Ka shpenzuar 200 mijë lekë të kursimeve familjare

Apartament në proces regjistrimi në ZVRPP, njësoj si në vitin 2014

500 mijë lekë dhënë hua nënës së bashkëshortes

Paga si prokuror në shumën 1 604 024 lekë./CNA.al

 





Lajmet e fundit nga