web counter
LEXO PA REKLAMA!

SHKARKO APP

App Store
Google Play

E fundit!

x

Kastriot Dervishi tregon vuajtjet e fshatarëve gjatë komunizmit

9 Gusht 2018, 18:30, Aktualitet CNA

Historiani i njohur, Kastriot Derivishi ka rikujtuar vështirësitë e fshatarëve gjatë kohës së komunizmit.

Në një postim në rrjetet sociale, Dervishi ka shkruar se fshatarët nuk vlerësoheshin nga shteti, pasi hanin vetëm 3 muaj bukë gruri ndërsa në pjesën tjetër të vitit konsmonin bukë misri, e cila ishte e një cilësie shumë të keqe.

Ndër të tjera historiani ka shtuar se fshatarët gjithashtu kishin frikë të ankoheshin, pasi mund të ndëshkoheshin nga shteti.

Postimi i plotë

Buka e misrit, derrat dhe fshatari në komunizëm

Gjatë viteve (për disa) të ?ndritura? të komunizmit, fshatari ynë hante bukë gruri vetëm tre muaj në vit. Pjesën më të madhe të vitit hante bukë misri. Partia kish imituar për këtë lloj buke një formë gjeometrike të ngjashme me bukën e grurit. Buka e misrit të fshatarit ishte një lloj përzierje e keqe me mbetje byku, shumë e fortë.

Krejt pa cilësi dhe pa shije, ajo lloj buke b?nte që fshatari të synonte gjithnjë i sfilitur të blinte bukë në qytet. Në një fshat të jugut vjen një ditë një i deleguar i partisë.

Pasi mbaroi punët e veta dhe dha porositë, i mblodhi fshatarët për t?i pyetur në kishin ndonjë problem. Guxoi dhe pyeti vetëm njëri që punonte te derrat. Debati i mëposhtëm tregon sa e vlerësonte partia njeriun.

Kooperativisti: Neve në fshat hamë bukë misri 9 muaj në vit. Nuk po pyes sepse e di partia jonë këtë gjë. Por ngaqë unë punoj prej vitesh për rritjen e derrave të kooperativës, kam vënë re se misri që hanë është shumë më i mirë nga misri që hamë ne fshatarët.

Prandaj, brenda mundësisë, i lutemi partisë që të na ndërroj? misrin tonë me atë të derrave. Pra, ne të hamë misrin e derrave dhe derrat të hanë misrin tonë.

I deleguari (i inatosur): Dashke të na helmosh derrat o armik i partisë. Kjo quhet sabotim, nuk është vetëm agjitacion e propagandë për minimin e pushtetit popullor. /CNA.al





Lajmet e fundit nga