Zbardhet raporti/ Kush janë ministrat që rrezikojnë postin?!

4 Gusht 2018, 07:21, Aktualitet CNA

Muaji i ndryshimeve në qeveri po afron, ndërsa të gjithë ministrat po përjetojnë momente ankthi sepse, sipas fjalës së kryeministrit Edi Rama, askush nuk e ka vendin e sigurt. Gazeta ?SOT? ka raportuar se një pikë që do të merret parasysh për të vendosur fatin e kabinetit qeveritar do të jenë edhe ankesat që kanë mbërritur në platformën ?shqipëriaqëduam.al?.

Në tetor kreu i qeverisë nisi bashkëqeverisjes me njerëzit, të cilët i ftoi që për çdo hall a ankesë të drejtohen tek platforma ?Shqipëria që duam?. Ditën e djeshme është zbardhur raporti i ankesave të mbërritura në këtë platformë përgjatë kësaj periudhe për çdo Ministri. Kështu, nga muaji tetor i vitit të kaluar e deri në korrik të këtij viti në total janë regjistruar plot 15.174 ankesa, nga të cilat 13.732 kanë marrë zgjidhje.

Por totali i ankesave ndahet mes të gjitha Ministrive në vend, ku vendin e parë për numrin e ankesave më të larta e mban Ministria e Drejtësisë. Për ministrinë e Etilda Gjonajt janë regjistruar 5363 ankesa, ndërsa në vend të dytë qëndron Ministria e Shëndetësisë dhe Mbrojtjes Sociale, e përballur me 1415 ankesa, për tu ndjekur nga pas nga Ministria e Infrastrukturës dhe Energjisë. Me Damian Gjiknurin në krye, për këtë organ qeverisës kanë mbërritur 1251 ankesa nga qytetarët. Këta të fundit kanë dorëzuar 1400 ankesa edhe për Ministrinë e Ekonomisë dhe Financave. Sakaq, në vend të pestë qëndron Ministria e Arsimit, Sportit dhe Rinisë, e cila është përballur me 891 ankesa.

Pas ministrisë së Lindita Nikollës, vjen Ministria e Brendshme, me në krye Fatmir Xhafajn. Për këtë ministri janë dorëzuar në platformën e bashkëqeverisjes 636 ankesa. Ndërkohë, sipas raportit 10-mujor, më tej renditet Ministria e Turizmit dhe e Mjedisit. Ministria që drejtohet nga Blendi Klosi është përballur me 349 ankesa. Për Ministrinë e Bujqësisë dhe Zhvillimit Rural, me në krye Niko Peleshin qytetarët janë ankuar plot 193 herë, për të mbërritur më pas tek Ministria e Mbrojtjes. Ministria e Olta Xhaçkës ka marrë dhe administruar 166 ankesa.

Ministri i Shtetit për Sipërmarrjen (drejtuar nga Sonila Qato) ka marrë në dorëzim 193 ankesa. Një numër më të ulët ankesash ka patur për Ministrinë për Evropën dhe Punët e Jashtme. Me në krye Ditmir Bushatin, kjo ministri është përballur me 109 ankesa. Ndërkaq, dy ministritë me numrin më të ulët të ankesave dhe denoncimeve të mbërritura nga qytetarët tek platforma ?Shqipëria që duam? janë ajo e Kulturës (drejtuar nga Mirela Kumbaro, 56 ankesa) dhe Ministria e Shtetit për Diasporën (drejtuar nga Pandeli Majko, 18 ankesa). Denoncime dhe ankesa qytetarët kanë dorëzuar edhe tek Kryeministria, plot 3134 të tilla.

Siç e përmendëm edhe më lart, këto të dhëna dhe shifra kryeministri Edi Rama do t?i marrë parasysh në momentin që do të marrë vendimin për shkarkime ministrash. Mirëpo këto ankesa nuk do të jenë vendimtare sepse lideri i qeverisë do të bazohet edhe në pika të tjera për të vlerësuar nëse një ministër e meriton apo jo të largohet nga qeveria. Për shembull, ai do të marrë në konsideratë edhe sa nga ankesat e mbërritura për secilën ministri kanë marrë zgjidhje, por edhe aspekte të tjera të punës së vartësve të tij.

Një ndër ministrat që rrezikon më së shumti është ai i Infrastrukturës dhe Energjisë, Damian Gjiknuri. Në një prej mbledhjeve gjatë turit të llogaridhënies publike, Rama ka premtuar se nëse aksi Tiranë-Elbasan nuk përfundon brenda këtij viti ai do të shkarkohet.

Totali i ankesave të mbërritura dhe atyre të përfunduara