web counter
LEXO PA REKLAMA!

SHKARKO APP

App Store
Google Play

Thellohen përçarjet në opozitë/ Basha nën presionin e Kryemadhit?

1 Gusht 2018, 07:22, Aktualitet CNA

Rikthehen përplasjet, sulmet dhe mosmarrëveshjet brenda kampit opozitar. PD e LSI e mbyllën sesionin parlamentar me mosmarrëveshje mes tyre sa i takon ligjit për magjistratët. Por këto tensione duket se janë shtuar.

Përveç mediave, gazetave e portaleve që njihen si mbështetëse të LSI dhe presidentit, ai që ka dhënë një sinjal të qartë ka qenë vetë kreu i grupit parlamentar të LSI.

Në një intervistë televizive, Vasili deklaroi hapur se nëse qeveria e miraton sërish ligjin për Teatrin, ata do ngrihen kundër saj. ?Në shtator do të kemi një debat në Parlament dhe jashtë tij për çështjen e grabitjes së teatrit. Fatin e Tiranës nuk e zgjidh as ky dhe as tjetri. Ky kryetar do të mbahet mend si kryetar i ditëve të zeza. Në shtator do të zgjidhimpa asnjë kompromis, do të ketë përgjigje të rreptë dhe të egër, që kurrkush, qoftë ky kryeministër i marrosur, apo kryetar bashkie budalla. Do të ketë një barrikadë të kapërcyeshme, do të ketë një qendrës që nuk është parë më parë?, tha Vasili.

Mesazhi i deputetit të LSI duket se është shumë i qartë dhe gjithë njerëzit e Metës kanë filluar presionet tani ndaj Lulzim Bashës që dhe PD të ketë një reagim të fortë sa i takon teatrit.-raporton gazeta Sot.

Po ashtu Kryemadhi ka filluar të karikojë mbështetësit e vet për trazira. Zgjedhjet vendore janë afër dhe kjo duket se e ka shqetësuar ndjeshëm kampin opozitar.

Në vjeshtë LSI kërkon dhunë, ndërsa sipas burimeve, Basha po teton të gjejë një marrëveshje me Ramën sa i takon reformës në drejtësi dhe asaj zgjedhore.





Lajmet e fundit nga