web counter
LEXO PA REKLAMA!

SHKARKO APP

App Store
Google Play

E fundit!

x

Nuk është qenie njerëzore, por fiton miliona në Instagram

1 Gusht 2018, 09:04, Lifestyle CNA

Emri i saj në Instagram është ?Lil Miquela? dhe numëron më shumë se një milion ndjekës. Ajo pozon me rroba nga firmat më prestigjioze dhe rekomandon produkte për përkujdesin ndaj trupit dhe flokëve si një blogere e vërtetë.

Mikaela u regjistrua në Instagram në vitin 2016 dhe shumicën e ndjekësve të saj i ka adoleshentë që ndoshta edhe i inspiron.

Modelja 19-vjeçare nga Kalifornia mbështet edhe kauza të ndryshme në Amerikë, si psh lëvizjen ?Black Lives Matters?, ka bashkëpunuar me kompaninë ?Prada? për Javën e Modës në Mialon, madje ka të regjistruara edhe disa këngë në Spotify.

Me flokë të zinj, sy të mëdhenj, quka në faqe dhe forma perfekte, Mikaela është shumë e famshme, por rrëfimi i saj në prill ka shokuar shumë njerëz.

Ajo shkruante në Instagram:

Unë nuk jam qenie njerëzore, jam robot.?
Dhe po, Mikaela është njw ?CGI? (Imazh i Krijuar me Kompjuter), që është ?sjellë në jetë? nga një kompani në Los Anxhelos, e quajtur Brud. Ata janë të specializuar për inteligjencë artificiale dhe robotikë. Brud ka mbështetje nga firma që merren me investime kapitalesh, si ?Sequoia Capital?, ?BoxGroup? dhe ?SV Angel?. Sequoia Capital refuzoi të komentojë nëse kanë lidhje me Brud. BoxGroup dhe SV Angel nuk iu përgjigjën kërkesës për komente.

Mikaela është pjesë e një grupi influencuesish jo-realë në rrjete shoqërore, si Bermuda, Blawko dhe Shudu, e cila njihet si supermodelja e parë dixhitale. Ashtu si Mikaela, edhe Blawko është krijesë e Brud. Thuhet se po e njëjta kompani ka krijuar edhe Bermudën. Një fotograf mode, i quajtur Cameron-James Wilson, ka krijuar edhe Shudu-n, që ka më shumë se 120,000 ndjekës.

Si influencuesit e tjerë në instagram, edhe modelet e krijuara nga kompjuteri promovojnë produkte markash. Por nuk është ende e qartë nëse ka marrë pagesa nga disa prej sponsorëve. Brud refuzoi të përgjigjet, por dihet që që faqja ?Highsnobiety? ka bashkëpunuar me Mikaelën për shitjen e një bluze që kushton rreth 80 dollarë. Sipas zëdhënësit të markës, Mikela merr një pjesë të fitimeve nëse produkti shitet në faqen e tyre të internetit, por jo nga faqja e Highsnobiety.

Koncepti i reklamimit me influencues të kompjuterizuar ngre shumë pyetje:

Si mund të reklamojnë produkte që nuk i veshin dot? A nuk duhet të jenë më transparente kompanitë kur krijojnë apo përdorin influencues virtualë??
Olivier Tobuia, një profesor marketingu te Shkolla e Biznesit Kolumbia, thotë se personazhet e kompjuterizuar duhet të kenë një marrëdhënie transparence me ndjekësit për sa i përket sponsorizimeve, dhe duhet të jetë e qartë se kush është i vërtetë e kush jo.

Xhenifer Grygiel, një profesor për rrjete shoqërore të Universiteti i Sirakuzës, është dakord:

Nuk është gjithnjë e qartë që është personazh i kompjuterizuar. Dhe kjo është tepër problematike. Kur unë isha e vogël, të paktën e dija që Barbi ishte kukull. Por këto dy vitet e fundit ka pasur shumë njerëz, sidomos adoleshentë, që e dinin Mikaelën person të vërtetë. Markat duhet të thonë të vërtetën dhe kompanitë duhet të ndihmojnë, të mos bëhen pjesë e dikujt që mund të gënjejë masat?.
Por ka të tjerë që thonë se kjo transparencë s?ka pse të jetë e domosdoshme. Ata këmbëngulin që është mëse e qartë që këta nuk janë njerëz të vërtetë, por të përpunuar nga dikush me programe kompjuterike.

?Çfarë shihni në Instagram që të jetë autentike??, tha Jun Ahn, dizenjues me markën Ambush, e cila ka punuar me Mikaelën, por pa pagesë.

Ajo shton:

Sa modele Instagrami kanë bërë operacione plastike dhe vazhdojnë të shesin produkte? A nuk është e njëjta gjë? As ata s?janë të vërtetë. Flokët e tyre nuk i kanë bërë produktet që shesin. Buzët s?ua kanë bërë ato produktet që shesin.?
Rajan Detert, Drejtori i ?Influential?, një platformë marketingu nëpërmjet inteligjencës artificiale, e sheh si një çështje autenticiteti, sesa etike.

Ai tha:

Manekinët kanë të paktën 100 vite që ekzistojnë, dhe mbahen në dyqane për të shitur bukurinë, për të shitur ideale. Nuk ndryshon shumë nga kjo?.
Një nga arsyet që kompanitë po nisin t?i pëlqejnë modelet e kompjuterizuara, është se nuk kanë probleme për ruajtjen e imazhit, siç mund të kenë persona të famshëm.

Nëse ekipi e modelon shpejt diçka, mund ta postojnë pa problem, në kohën e duhur dhe në këndin e duhur. Modelet e kompjuterizuara s?mund të bëjnë gjëra që t?u hapin telashe markave që punojnë me to, si për shembull të jenë përfshirë në ndonjë krim apo të thonë gjëra të pahijshme në publik dhe, përveç kësaj, tregon që kompanitë janë kreative për sa i përket teknologjisë.?
Tajler Henej, drejtoreshë e Outdoor Voices, tha që i pëlqen të eksperimentojë me mënyrën se si ia paraqet markën publikut. Mikaela postoi foto të saja, duke veshur një fustan sportiv nga Outdoor Voices.

Haney e kishte ndjekur Mikaelën në Instagram dhe në fillim nuk e dinte që ishte imazh i kompjuterizuar. Më vonë u lidh me Brud, nëpërmjet një investori, dhe kishte kërkuar të bashkëpunonin.

Haney tha:

Gjithnjë kërkojmë mënyra për ta bërë teknologjinë më interesante e më krijuese, duke angazhuar kështu edhe klientët. Më pëlqen të gjej mënyra të reja për të reklamuar produktin.?
Ka dhe marka të tjera, si Barneys, që nuk e kanë problem faktin që Mikaela nuk është e vërtetë.

Ekspertët, mendojnë se në të ardhmen do të shohin më shumë modele të kompjuterizuara, dhe një ditë mund të jetë i vështirë dallimi midis njerëzve dhe inteligjencës artificiale.

Markat i përdorin personazhet e famshëm të rrjeteve shoqërore për t?u lidhur me publikun në një mënyrë më autentike se reklamimi tradicional.

Toubia nga Columbia thotë:

Një nga përfitimet është besimi. Njerëzit kanë besim kur diçka u rekomandohet nga njerëz që i besojnë.?
Në SHBA, Komisioni Federal i Tregtisë ka rregulla të përcaktuara për yjet e rrjeteve shoqërore që reklamojnë produkte. Por këto rregulla duhet të vlejnë edhe për modelet e kompjuterizuara, siç thotë zëdhënësi i agjencisë për CNN Money. Markat mund të gjobiten nëse nuk ndiqen rregullat.





Lajmet e fundit nga