web counter
LEXO PA REKLAMA!

SHKARKO APP

App Store
Google Play

E fundit!

x

“Lajthitja” e Bashës/ Çfarë fshihet pas paralajmërimeve për luftë civile dhe shpërthim me mina?

30 Korrik 2018, 09:53, Aktualitet CNA

Kryetari i Partisë Demokratike, Lulzim Basha prej disa ditësh ka habitur opinionin me deklaratat e tij publike.

Disa ditë më parë, kreu i Partisë Demokratike, Lulzim Basha, përshkallëzoi qëndrimin e opozitës në mbrojtje të Teatrit Kombëtar dhe kundër prishjes së tij për të ngritur kulla, duke thënë se nëse kullat do të ndërtohen do t?ju vërë minat.

Ndërkohë, në vijim të deklaratave të tij, në një konferencë për gazetarët rreth tre ditë më parë kryetari i Partisë Demokratike, Lulzim Basha ka paralajmëruar zhvillime kaotike në vend, nëse mazhoranca nuk tërhiqet nga nismat e saj antiligjore.

Basha u ndal konkretisht në ligjin e Teatrit Kombëtar duke paralajmëruar luftë civile nëse ligji vihet në zbatim.

Basha në vend që të kapet me Ramën kapet me kullat. Por, Lulzim Basha e di mjaft mirë që fajin nuk e kanë kullat, as biznesi privat. E gjithë përgjegjësia është e qeverisë.

Fakti që Basha nuk sulmon qeverinë, por biznesin tregon se deklaratat e tij janë vetëm fasada e radhës, dhe nga ana tjetër pazari i 18 majit me kryeministrin Rama është ende në fuqi.

Basha paralajmëron se do t?i vendosë minat kullave. Në vend që të akuzojë qeverinë, akuzon biznesin, ndërkohë që projekti në fjalë është miratuar me ligj në parlament.

Por, në gjithë këtë ?luftë? deklaratash ka edhe një tjetër detaj. Edhe nëse Basha e ka seriozisht deklaratën e tij për shpërthime e vendosje minash, kush do t’i paguajë më pas dëmet?

Apo ashtu siç ndodhi me pallatin e vjehrrit të Lulit në Vlorë, sërish kusurin do ta hanë qytetarët shqiptarë. Ashtu siç Basha u pagua nga taksat e shqiptarëve për prishjen e pallatit të vjehrrit në Vlorë, sërish shqiptarët do të jenë ata që do të paguajnë nëse vërtetë Luli do t?ju vërë minat kullave në Tiranë./ CNA.al





Lajmet e fundit nga