web counter
LEXO PA REKLAMA!

SHKARKO APP

App Store
Google Play

Breshëri plumbash ndaj furgonit/ Policia arreston autorin

28 Korrik 2018, 18:10, Aktualitet CNA

Policia në Pukë ka bërë të mundur arrestimin e autorit që qëlloi me armë zjarri mbrëmjen e djeshme në drejtim të një automjeti.

Mësohet se në pranga ka rënë shtetasi Lekë Ndou, 49 vjeç, banues në fshatin Poravë.

Uniformat blu sqarojnë se në lidhje me ngjarjen e ndodhur  me datë 27.07.2018,  në fshatin Poravë, Fushë Arrëz, ku shtetasi Lekë Ndou, ka qëlluar me armë zjarri, në drejtim të mjetit me targa AA 982 MG, Policia ka kryer një sërë veprimesh për dokumentimin e ngjarjes si dhe kapjen e arrestimin e autorit.

Në vijim të veprimeve  nga strukturat e Komisariatit të Policisë Pukë të mbeshtetura nga strukturat e specializuara të Drejtorisë Vendore të Policisë Shkodër bënë të mundur  lokalizimin dhe kapjen e autorit  të dyshuar:

Lekë Ndou, 49 vjeç, banues në fshatin Poravë.

Nga tërësia e veprimeve hetimore dhe informacionet e grumbulluara, rezulton se  ngjarja ka ndodhur për motive të dobëta, pasi shtetasi T. P. është konfliktuar me shtetasin Lekë Ndou disa kohë më parë, ku ky i fundit ka qëlluar me armë zjarri në drejtim të automjetit të shtetasit T. P.

Materialet do i referohen Prokurorisë së Rrethit Gjyqësor Pukë në ngarkim të këtij shtetasi për veprën penale ?Vrasje e mbetur në tentativë  në rrethana të tjera cilësuese?,  parashikuar nga neni 79/Dh – 22 i Kodit Penal./CNA.al





Lajmet e fundit nga