web counter
LEXO PA REKLAMA!

SHKARKO APP

App Store
Google Play

Grabiste karburantet/ Arrestohet gangsterja e  Fierit

22 Korrik 2018, 08:19, Aktualitet CNA

Një 31 vjeçare është shndërruar në tmerrin e karburanteve, pasi i grabiste sistematikisht.

Anna Malaj sëbashku me dy kushërinj, nën kërcënim e armës grabisnin karburantet në Qarkun e Fierit.

Vetëm në një muaj, grupi në fjalë, gjatë orëve të natës kanë grabitur tre karburante në Qarkun e Fierit.

Njoftimi i Policisë:

Specialistët e Seksionit për Hetimin e Krimeve kundër pronës dhe pasurisë në Drejtorinë Vendore të Policisë Fier, falë punës operative e hetimore të mirëorganizuar, bënë të mundur zbardhjen e tre ngjarjeve të ndodhura këtë muaj në Qarkun e Fierit ku dy persona nën kërcënimin e armës, gjatë orëve të vona të natës shkonin për të vjedhur pika të ndryshme karburantesh.

Nga Specialistët për Hetimin e Krimeve në Komisariatin e Policisë Fier, u ndalua një prej autorëve të dyshuar, shtetasja Anna Malaj, 31 vjeçe, banuese në fshatin Visokë, Mallakastër.

Gjithashtu u referuan materialet në Prokurorinë pranë Gjykatës së Shkallës së Parë Fier dhe po punohet për kapjen e shtetasit: E.G, 22 vjeç, banues në fshatin Belinë, Patos.

Të dy këta shtetas( Kushërinjë), nën kërcënimin e armës, në datën 02.07.2018, në Levan, kanë vjedhur një pikë karburanti ku kanë marrë shumën prej 30000 lekësh të reja.

 

Në datën 07.07.2018, në Mallakastër, nën kërcënimin e armës kanë tentuar të vjedhin një pikë karburanti por pasi janë ndeshur me punonjësin e karburantit, janë larguar.

Në datën 15.07.2018, në lagjen ?1 Maji? Fier, në bashkëpunim, duke kërcënuar me armë gjahu teke, kanë tentuar të vjedhin një tjetër pikë karburanti.

U sekuestruan në cilësinë e provës materiale: Automjeti me të cilin qarkullonin për të kryer vjedhjet, 1 armë gjahu teke dhe 6 fishekë, 1 palë doreza dhe 4 targa mjeti të falsifikuara.

 





Lajmet e fundit nga