web counter
LEXO PA REKLAMA!

SHKARKO APP

App Store
Google Play

“Shpërthen” Rama/ Paralajmëron administratën, do vëmë në lëvizje prokurorinë

19 Korrik 2018, 07:25, Aktualitet CNA

Kryeministri Edi Rama ka paralajmëruar punonjësit e administratës shtetërore se do të ndëshkohen dhe denigrohen publikisht nëse nuk janë shërbëtor dhe në shërbim të qytetarëve.

Duke folur në takimin e organizuar dje në Sallën e Hartave në Kryeministri me koordinatorët e Bashkëqeverisjes, ku të pranishëm ishin edhe disa qytetarë, shefi i qeverisë u ndal tek platforma ?Shqipëriaqëduam?, për të cilën theksoi se ka zgjidhur mijëra halle të qytetarëve, gjë që sipas tij, nuk e kanë zgjidhur nëpunësit e shtetit, të cilët janë atje për t?i ardhur në ndihmë popullit.-raporton gazeta Sot.

Por Rama ishte i prerë gjatë fjalës së tij, kur deklaroi se mënyra e vetme për të ndërgjegjësuar zyrtarët arrogantë që kanë ironizuar ankesat e qytetarëve, është bërja publike dhe afishimi i emrave të tyre, duke i etiketuar si të papërgjegjshëm dhe ?Non grata?. ?Ne kemi mbledhjen e qeverisë dhe si në çdo mbledhje qeverie kemi raportin e masave ndëshkimore. Po përgatitemi që ta bëjmë këtë në kohë reale dhe në çdo takim të Bashkëqeverisjes këtu në Sallën e Hartave të kemi dhe raportin e masave ndëshkimore dhe do ta bëjmë me emër dhe mbiemër për çdo punonjës që është shkaktar i këtyre situatave.

Task-forca e antikorrupsionit që drejtohet nga ministrja e Drejtësisë po bën një punë voluminoze. Nuk është e lehtë! Paralelisht me Platformën ka një proces auditivesh dhe hetimesh administrative të befasishme në të gjithë territorin e organizmit institucional të vendit. Raportet e masave tanimë po konsolidohen dhe kur të jenë plotësisht të konsoliduara, do të bëhen transparente për publikun?, deklaroi ai. Gjithashtu, kreu i qeverisë garantoi se për të gjithë ata zyrtarë që rezulton se kanë abuzuar me detyrën, do të vihet në lëvizje prokuroria.





Lajmet e fundit nga