E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Themelohet lobi Euro Atlantik shqiptar në Greqi

17 Korrik 2018, 20:26, Aktualitet CNA

Me iniciativën e Kërshillit Nismëtar të Mërgatës shqiptare të Greqisë, me 15 Prill 2018, në kryeqytetin Grek, Athinë u organizua Asambleja e Parë Zgjedhore për themelimin e Lobit Euro-Atlantik Shqiptar Dega për Greqi

Në Asamble morën pjesë mërgimtarë nga Greqia, përfaqësues të Lobit Euro-Atlantik Shqiptar nga Zvicra, Italia si dhe kryetari i Lobit Euro-Atlantik Shqiptar, z.Shukri Ymeri nga Gjermania.

Në një atmosferë miqësore, mjaft mirë të organizuar, Asambeja përfundoi punimet, duke zgjedhur me vota demokratike Kryesinë prej 17 anëtarëve.

Për Kryetar u zgjodh z.Arben Cani,, z.Petrit Selmanaj zëvendës kryetar, znj. Sara Gjoka sekretare, z. Vladimir Selamaj zëdhënës si dhe 13 anëtarë si pjesë përbërëse e Kryesisë së Degës.

Fjalën e rastit e mbajti kryetari i sapo zgjedhur, z.Arben Cani, ndersa të pranishmëve në emër të Lobit Euro-Atlantik Shqiptar ju drejtua më fjalë përshëndetëse edhe Kryetari z.Shukri Ymeri.

Pas përfundimit të punimeve të Asamblesë, të pranishmit darkuan së bashku për të kremtuar këtë ngjarje shumë të rëndësishme për mbarë komunitetin shqiptar të Greqisë.

Më themelimin Degëve të reja, Lobi Euro-Atlantik Shqiptar po dëshmon fuqishëm angazhimin e tij për zbatimin dhe realizimin e Platformës e cila për qëllim ka bashkimin e Mërgatës shqiptare anë e mbarë botës.

LEASH, Mërgatës shqiptare të Greqisë i dëshiron mirëseardhje në Organizatë, në familjen e vullnetit të madhë për t’i shërbyer bashkërisht çështjes kombëtare.

Pas themelimit të kësaj Dege të rëndesishme, së shpejti pritet të themelohët Dega e Lobit Euro-Atlantik Shqiptar edhe në Kroaci.

Lobi Euro-Atlantik Shqiptar është duke krijuar kontakte të reja më përfaqësues të Mërgatës shqiptare jo vetëm në Evrope, por edhe më gjërë…

Prandaj Kryesia e LEASH-it, fton mbarë Mërgatën tonë, të bashkohët më ne, në aktivitetet që ndihmojnë bashkimin e Mërgatës shqiptare anë e mbarë botës./CNA.al