PD në krizë/ Anëtari i Këshillit Kombëtar tregon arsyet

8 Korrik 2018, 17:48, Aktualitet CNA

Gjendja e rënduar e Partisë Demokratike dhe përballja me qeverinë është komentuar nga anëtari i Këshillit Kombëtar të PD, Edvin Kulluri.

Në një intervistë ekskluzive për CNA.al, Kulluri ka thënë se Basha është përgjegjësi kryesor për gjendjen në të cilën ndodhet Partia Demokratike.

I pyetur nëse ka sensibilizim nga baza për të larguar kryetarin Basha, Kulluri është shprehur se pjesa më e madhe e PD gjejnë zgjidhjen tek bojkoti, ndërsa ka shtruar dhe tri problemet që sipas tij kanë rënduar pozitat e partisë dhe e kanë çuar në krizë.

Pjesë nga intervista:

CNA.al: Berisha është shprehur se nëse baza kërkon dorëheqjen e kryetarit, ai do të mbështeste bazën. A ka një sensibilizim apo lëvizje brenda bazës së PD, për të kërkuar dorëheqjen e kryetarit?

Edvin Kulluri: Me sa e njoh gjendjen në parti dhe them se jam nga njerëzit që e njoh ndjeshmërinë e demokratëve dhe perceptimin e tyre brenda partisë, së pari mendoj se fatkeqësisht pjesa më e madhe e demokratëve zgjidhjen për të reaguar ndaj situatës së rëndë të krijuar në vend dhe në Partinë Demokratike, e shohin duke bojkotuar. Kjo është një formë rebelimi, por nuk i jep zgjidhje situatës, nga pikëpamja praktike.

Nga kjo pikëpamje, zoti Berisha ka të drejtë, nga pozicioni i tij ku thotë që përderisa demokratët nuk po çohen masivisht të protestojnë, nuk është roli i tij tashmë si i dorëhequr, që të ndërmarrë iniciativa të tilla, nëse do t’i krijoheshin kushtet padyshim. Unë personalisht nuk e shoh problemin vetëm tek zoti Basha me papërgjegjshmërinë e tij, pasi ai është koshient për gjendjen e rëndë në të cilën ndodhet partia.

Nuk e shoh problemin as te zoti Berisha, të cilin nuk kemi pse ti kërkojmë sot që të marri edhe një herë drejtimin e partisë për të zgjidhur këtë krizë të pakthyeshme nën drejtimin e zotit Basha. Unë e shoh problemin në tri shtresa.

Mw tej Kulluri ka thwn se ?mungesa e kurajos qytetare, fatkeqësisht te një pjesë jo e vogël e anëtarësis së partisë, për të shprehur hapur vullnetin e tyre politik, kundër drejtimit të zotit Basha, ka lejuar agravimin e situatës?. /CNA.al