web counter
LEXO PA REKLAMA!

SHKARKO APP

App Store
Google Play

E fundit!

x

Basha aleat i Ramës?/ Anëtari i Këshillit Kombëtar të PD zbulon të vërtetën

7 Korrik 2018, 20:38, Aktualitet CNA

Opozita me në krye, Lulzim Bashën, kishin trumbetuar me të fortë në medie dhe në Parlament se negociatat me BE nuk do të hapeshin.

Gjithashtu ata kishin premtuar se do të ngriheshin në protestë, por një gjë e tillë ende nuk ka ndodhur.

Lidhur me këtë fakt CNA.al ka kontaktuar me anëtarin e Këshillit Kombëtar të Partisë Demokratike, Edvin Kulluri.

Kulluri ka thënë se Basha është në një udhëkryq dhe nuk e ka vendosur ende nëse është aleat apo kundërshtar i Kryeministrit, Edi Rama, duke e bërë opozitën institucionin më pak të besueshëm në Shqipëri.

Ai gjithashtu ka thënë sitauata e Bashës është e paqartë dhe tërësisht okulte.

?Zoti Basha akoma nuk ia ka thënë me gojën e tij shqiptarëve, a vazhdon të jetë aleat i zotit Rama, apo është kundërshtari i zotit Rama. Thënë  ndryshe, është ai i çadrës apo ai i 18 majit vonë. Për sa kohë zoti Basha lë të kuptohet që jeton në këtë dilemë, kjo tregon se situata për shqiptarët është tërësisht e paqartë, tërësisht okulte, dhe kryetari i opozitës dhe vetë opozita janë institucioni më i pabesueshëm në Shqipëri sipas sondazheve, pas Rilindjes ose më shumë se Rilindja. Pra nuk mund të kemi protesta me një kryetar partie, me një lidership partie të cilin partia e ka abandonuar në zgjedhjet e fundit dhe që nuk ka rekuperuar dhe përmirësuar anjë nga ato elementë që e çuan drejt humbjes?

Më tej Kulluari ka thënë se ende nuk është bërë e qartë arsyeja e lobimit të Bashës në Sofje dhe Berlin me kryeministrin Rama, pasi vetëm një ditë më pas në medie denonconte qeverinë.

?Unë mendoj që zoti Basha akoma nuk na ka sqaruar se përse bëri lobing për hapje negociatash me Edi Ramën kryeministër,  në Berlin dhe në Sofje, dhe ende nuk e kuptoj pse të nesërmën e këtyre takimeve që bëri për çeljen e negociatave denonconte qeverinë e krimit dhe të drogës kudo në media. Pra nuk mundesh që paradite të bësh lobing për hapjen e negociatave kur vendi ka nevojë të largojë këtë qeveri të dështuar, dhe pasdite të kërkosh protesta për të rrëzuar po këtë qeveri?, ka thënë Kulluri.

Kulluri shprehet më tej se vendi është në një krizë politike, pasi nga njëra anë ka një qeveri të deligjitimuar dhe nga ana tjetër një opozitë qesharake.

?Praktikisht vendi ka një qeveri të deligjitimuar dhe ka një opozitë qesharake.Kjo është kriza politike sot në Shqipëri.Kjo është kriza e establishmentit për të cilën kam folur disa javë më parë dhe në vijim.Këtu ka nevojë për një çberje të elitës politike që po drejton dhe ka marrë peng Shqipërinë?- u shpreh Kulluri. /CNA.al





Lajmet e fundit nga