Si do ta çlirojë Basha vendin nga droga dhe krimi qeveritar

6 Korrik 2018, 16:26, Aktualitet CNA

Çlirimi i vendit nga krimi dhe droga është një nga sloganet që kryetari i partisë më të madhe të opozitës, Lulzim Basha, ka nisur ta përmend rëndom kohët e fundit duke e bërë kështu lajmotiv të betejës më të re me maxhorancën e majtë qeverisëse.

Sikurse ka raportuar CNA.al, të njejtin slogan Basha e ka përmendur edhe ditën e sotme në një deklaratë për mediat, pasi është pyetur nga gazetarët nëse opozita do të djegë mandatet e deputetëve, pas miratimit vetëm me votat e mazhorancës të projektligjit që i hap rrugë shëmbjes së Teatrit Kombëtar.

Pasi me përgjgjen e tij i ka dhënë fund zërave për djegien e mandateve, Basha e ka vlerësuar këtë veprim si opsionin më të lehtë për tu ndërmarë nga opozita, pasi:?…Synimi kryesor është çlirimi i Shqipërisë nga krimi qeveritar ?, gjë që do ta arrijmë me ndihmën e gjithë shqiptarëve.?
Kjo ka qenë përgjigje lakonike e dhenë prej Bashës në deklaratën e sotme për mediat, që ngjan si dy pika uji me ato çka ai ka artikuluar edhe më parë e që CNA.al i ka etiketuar si strategji të lojës që dyshja Basha-Rama vijon të luaj me synim ruajtjen e karrigeve të njëri-tjetrit dhe nuk të çon gjëkundi.

Është e njejta taktikë që kjo dyshe aplikoi përgjatë periudhës para, gjatë dhe pas mbajtjes së zgjedhjeve të përgjithëshme parlamentare 2017, ku rilindja e Ramës korri fitore plebishitare, ndërsa Basha e çoi PD-në në një humbje plebishitare me minus dyqind mijë vota më pak.

Duam të themi me këtë se të njejtën lojë po luan dyshja Basha-Rama edhe sot e kësaj dite ndaj dhe megjithë tonet e ashpra, nga deklaratat e Lulzim Bashës nuk duhet pritur asgjë më shumë kaq. Se po ta kishte seriozisht ?çlirimin e vendit nga krimi qeveritar?, përpos të tjerave do të kishte publikuar edhe strategjinë sesi do ta realizonte këtë etj. Gjë që Lulzim Basha nuk e ka bërë kurrë dhe nuk ka sesi ta bëj përderisa si qëllim kryesor nuk ka çlirimin por ruajtjej e karriges së pushtetit të Edi Ramës, i cili nga ana e tij e ndihmon Bashën të ruajë karrigen e kreut të PD. ?Gjithcka në zbatim të marrëveshjes së 18 majit të vitit të kaluar?, ka përkufizuar CNA.al.