web counter
LEXO PA REKLAMA!

SHKARKO APP

App Store
Google Play

E fundit!

x

Kundër shembjes së Teatrit/ Rama: Më pikëllon dukja prej ‘mojkani’ të fundit e Robert Ndrenikës

2 Korrik 2018, 20:12, Aktualitet CNA

Kryeministri Edi Rama, mori pjesë në inaugurimin e Turbinës si një qendër arti, ku tha se gjatë të gjithë këtyre kohëve, Shqipëria nuk ka paur një godinë të denjë për artistët.

Gjatë fjalës së tij ku sulmoi artistët që janë kundër shembjes së godinës së Teatrit Kombëtar, u ndal tek një ndër artistët më të mëdhenj të Shqipërisë, Robert Ndrenika, i cili është hapur kundër prishjes së Teatrit.

Rama tha se ndihet i pikëlluar kur sheh Robert Ndrenikën me pamjen prej mojkani të fundit të një historie talentesh.

?Shqipëria nuk e pati kurrë një godinë të denjë të Teatrit. Mbreti Zog e kishte në planet e tij, por nuk pati kohën në dispozicion. Regjimi Komunist e përfundoi në 1946 për të qenë vatra e Kulturës. Kjo përbën momentin estradës së Shqipërisë. Pastaj dihet si rrodhën gjërat dhe si Shqipëria ka mbetur i vetmi vend në Evropë dhe rajon pa një skenë të tillë të Teatrit. Të bëjmë pyetjen që duhet bërë sot. Kjo pyetje nuk është për të prishur apo ndërtuar këtë godinë.

Pyetja është se çfarë duhet bërë, kjo është pyetja e vërtetë. Çfarë duhet bërë për të mbushur gropat e mëdha që kanë lënë ikjet pa kthim të Kadri Roshit, Sulejman Pitarkës. Agim Qirajqit, Bujar Lakos e me radhë. Se kur e shoh sot Robert Ndrenikën në tryezat për të ardhmen e godinës, më shumë se çfarë mendon ai për godinën mua më pikëllon dukja e tij prej mojkani i fundit i një historie talentesh të mëdha dhe emocionesh të pafundme. Ndërkohë që sot nuk i shquan sot ku janë trashëgimtarët e fronit të Robert Ndrenikës apo të mbretërve dhe princave që nuk janë sot?- tha Rama. /CNA.al





Lajmet e fundit nga